Lukas 23:9 - Ya Baru nga Tulag

⁹ Itu nga adu ya sinaludsud ne̍ He̍rude̍s e̍ Je̍sus, ngem awan met nisungbat ne̍ Je̍sus.

Lukas 23:9 Iomraidhean Croise

Matyu 27:12

Ket ito nangpabasul dito pangpangulu diya agsirsirbi iya Te̍mplu igina, se̍ dito panglakayen, awan met nisungbat na.

Matyu 27:14

Ket madi latta simungsungbat nge̍ Je̍sus igina, nga awan pulus kinagi na. Ket itu nga napalaus to seddaaw nito gube̍rnadur.

Matyu 7:6

“Ket no maipanggep kadiya maipaay e̍ Apu Diyus, madi nu ngarud ipalak-am kadiya maibilang nga asu. Kaiyarigan na pe̍ ya pe̍rlas nga alahas. Madi kayu ngarud ipalladaw diya pe̍rlas iya sangu diya maiyarig nga abuy, ta kaynun no gudgudlan da nga silulucsew, se̍ dakayu ngas ranggasan.”

Markus 15:5

Ngem awan met latta nisungbat ne̍ Je̍sus, ket nasdaaw ngarud nge̍ Pilatu win.

Lukas 13:32

Ket kinunen ne̍ Je̍sus igida, “Mawe̍ kayu lugud ibaga iyan nga nasikap nga arig nga musang, nga madi pekkem nalpas ya gagarac ki. Ibaga nu ngarud igina nga maemmuwan na kuma nga ita nga algew se̍ no damlag pekkem, pagtalawec met diya sairu kadiya linuganan da, se̍ mangagas sac pe̍ kadiya agsakit. Ket iya maikatlu nga algew, malpas kun ya wangel kun.

Lukas 23:10

Ket dito pangpangulu diya agsirsirbi iya Te̍mplu, se̍ dito manursuru iya Linteg, nagsisikad da iyan, ket sipipinget da nga nangpabpabasul e̍ Je̍sus.

Juan 19:9

Ket simoli manin iya uneg nito palasiyu win, ket kinunen na e̍ Je̍sus, “Awac ngarud ya tutu nga gayatam?” kunen na. Ngem madi negkim nge̍ Je̍susin.

Aramid 8:32

Ket itu didi to naisurat nga binasbasa nito upisyal: “Igina ya maiyarig iya karne̍ru nga iturung da iya pakapartiyan na. Se̍ maiyarig pe̍ iya urbun karne̍ru nga di agun-uni no pukisen da ya dutdut na, ta pulus nga di nagpagpagas.

1 Pe̍dru 2:23

Ket ito linais da, madi bimalbales nga limais. Ket ito nangparigat da igina, madi met namanpansing igida ka dusa da, no di lugud nitalec na ngas ya kasasaad na iya napudnu ya pananglinteg na, nga itu nge̍ Apu Diyus.