Lukas 23:6 - Ya Baru nga Tulag

⁶ Ket ito nagicna ne̍ Pilatu yan nga kunen da, kinunen na, “Ay, taga-Galilya kad yani nga toley?” kunen na.

Lukas 23:6 Iomraidhean Croise

Matyu 26:69

Ket e̍ Pe̍dru itun, uwed pekkem iya ruwar, nga agtugtugew ito emwag. Ket uwed met isa nga nawe̍ ito edyan na nga babey nga katulung. Ket kinunen nito babey, “Nih! Ikew met pe̍ ya isa kadito nakibulubulun e̍ Je̍sus nga iGalilya!” kunen na.

Lukas 13:1

Ket uwed pe̍ duduma nga toley antuni itun nga nangipadamag e̍ Je̍sus. Inistorya da ya maipanggep kadito iGalilya nga pinapatey ne̍ Gube̍rnadur Pilatu, ito madama da nga agidatdatun e̍ Apu Diyus.

Lukas 23:5

Ngem nilallalu da met ya nangipapilit maipanggep igina, nga kinunen da, “Ngem riribuken na met diya toltoley iya amin nga pagiliyan mi nga Hudyu, gapu iya panangisursuru na. Nirugi na enna prubinsiya nga Galilya, ket dimateng met pe̍ idi nin,” kunen da.

Lukas 23:7

Ket ito naemmuwan ne̍ Pilatu nga gayat nga tutu nge̍ Je̍sus iya sakup nga iturayan ne̍ Ari He̍rude̍s, nipaipen na ngarud iya edyan ne̍ He̍rude̍s, ta uwed pe̍ ka He̍rusale̍m itun.

Aramid 5:37

“Ket malagip tida kuma pe̍ nga kalpasan niyan, uwed manin to Hudas nga iGalilya, ito timpu nga nagpase̍nsus ya gubiye̍rnu itun. Ket uwed pe̍ dito inawis na nga nakitipun igina, ngem natey met pe̍. Ket dito pasurut na, ket nawarawara da ngasin.