Lukas 23:51 - Ya Baru nga Tulag

⁵¹ Madi met nakipagkanunung kadito panggep se̍ wangel dito pada na nga kunse̍hale̍s nga maikuntra e̍ Je̍sus. E̍ Huse̍, taga-Arimatiya, nga isa nga ili diya Hudyu. Ket isa met pe̍ nga mangpadpadaan nga sinanama iya umbe̍t nga panangituray ne̍ Apu Diyus.

Lukas 23:51 Iomraidhean Croise

Matyu 27:57

Ket ito gumidamin, uwed nawe̍ antuni nga isa nga nabacnang nga taga-Arimatiya. Igina nge̍ Huse̍, nga isa nga pasurut pe̍ ne̍ Je̍sus.

Markus 15:43

Ket itun, uwed isa nga toley nga nagtured nga nawe̍ ito edyan ne̍ Gube̍rnadur Pilatu. Nawe̍ ngarud nagadeng ka pammalubus ne̍ Pilatu nga alac na ya bangkay ne̍ Je̍sus, ta gumidam mettin. Ket yan nga toley, ket e̍ Huse̍ nga taga-Arimatiya, nga isa nga mabigbig nga kunse̍hal diya Hudyu. Ket igina pe̍ ya isa nga mangpadpadaan nga sinanama iya umbe̍t nga panangituray ne̍ Apu Diyus.

Lukas 2:25

Ket enna He̍rusale̍m itun, uwed isa nga lakay nga agnagan ka Simyun. Nalinteg yan nga toley, se̍ managtungpal iya pammati na, ket pinadpadaanan na nga sinanama ya pannakaliwliwa diya iIsrae̍l. Ket uwed pe̍ igina ya Ispiritu Santu.

Lukas 2:38

Ket itun mettas nga uras nga kauwed de̍ Huse̍ enna Te̍mplu, inumbe̍t met to Ana ito edyan da, ket nagyaman ngarud met e̍ Apu Diyus. Ket nagkagkagi pe̍ to Ana itun maipanggep iya ebbing, kadiya amin nga toley antuni nga mangpadpadaan pe̍ nga sinanama iya pannakawayawaya niya ili da nga He̍rusale̍m.

Lukas 23:42

Ket se̍ na kinunen e̍ Je̍sus, “Je̍sus, lagipen nac kay nad no agparang ka nga agari yin,” kunen na.

Lukas 23:52

Ket to Huse̍, nawe̍ iya edyan ne̍ Gube̍rnadur Pilatu, ket nagadeng ka pammalubus nga alac na ya bangkay ne̍ Je̍sus.