Lukas 23:5 - Ya Baru nga Tulag

⁵ Ngem nilallalu da met ya nangipapilit maipanggep igina, nga kinunen da, “Ngem riribuken na met diya toltoley iya amin nga pagiliyan mi nga Hudyu, gapu iya panangisursuru na. Nirugi na enna prubinsiya nga Galilya, ket dimateng met pe̍ idi nin,” kunen da.

Lukas 23:5 Iomraidhean Croise

Matyu 11:1

Ket ito nalpas to panangbilin ne̍ Je̍sus kadito sangapulu ket duwa nga adalan na, pimanaw antuni, nga nawe̍ kadiya kabangibang nga il-ili nga nangisursuru se̍ nangaskasaba.

Matyu 2:1

Ket ya ili nga Be̍tle̍he̍m iya prubinsiya nga Hudya, itu ya nakaiyanakan ne̍ Je̍sus ito panagturay ne̍ Ari He̍rude̍s. Ket itun nga timpu, uwed da met toley nga inumbe̍t ka ili nga He̍rusale̍m nga naggayat ka daya. Mamasirib met didi maipanggep kadiya bitbituwen.

Matyu 27:24

Ket e̍ Pilatu, nadlaw na nga awan mamaay na ya panangipilit na, no di lugud mangpariribuc ngas kadito toltoley. Itu nga namet ka danum, ket binegguwan na met diya ima na ito imatang dito toltoley, nga kinunen na, “Awan basul ku iya pannakatey nidi nga toley! Basul nu was yanin!” kunen na.

Matyu 4:23

Ket nawe̍ ngarud pinasyar ne̍ Je̍sus diya amin nga parte̍ niya prubinsiya nga Galilya. Ket nangisursuru kadiya gigimungan da, nga nikaskasaba na ya Makaparagsac nga Damag maipanggep iya nadiyusan nga panangituray. Ket pinalaing na pe̍ diya toley kadiya orey nagan na nga sakit winno kinakapsut da.

Markus 1:14

Ket ya napasamac itun, naibalud to Juan. Kalpasan nito pannakaibalud na, nawe̍ nge̍ Je̍sus iya prubinsiya nga Galilya ngin, nga nangikaskasaba iya Makaparagsac nga Damag nga gabay ne̍ Apu Diyus nga ipakaemmu.

Lukas 11:53

Ket pumanpanaw nge̍ Je̍sus ito baley yin. Ket dito manursuru iya Linteg se̍ dito Parisiyu, nakaunget da nga unay e̍ Je̍sus itun. Ket adu ya nisalsaludsud da e̍ Je̍sus nga pangsintir da igina,

Lukas 23:23

Ngem nilallalu lugud dito toltoley to panangipapilit da, nga nip-ipkaw da nga mailansa kuma kanu nge̍ Je̍sus ka krus. Ket nikasu ngarud ne̍ Pilatu win to nipkaw da nga adeng da.

Lukas 23:6

Ket ito nagicna ne̍ Pilatu yan nga kunen da, kinunen na, “Ay, taga-Galilya kad yani nga toley?” kunen na.

Juan 1:43

Ito kadamlag na, nalagip ne̍ Je̍sus ya mawe̍ ka prubinsiya nga Galilya. Ket naaskuran na nge̍ Pe̍lipe̍ nga iBe̍tsayda nga kailiyan de̍ Andre̍s nge̍ Pe̍dru. Ket kinunen ne̍ Je̍sus e̍ Pe̍lipe̍, “Suruten nac,” kunen na.

Juan 19:15

Ngem dito Hudyu, nipkaw da nga kinunen da, “Ipapatey mun! Ipapatey mu lugudin! Pailansam ka krus!” kunen da. Ket sinaludsud ne̍ Pilatu igida, “Gabay nu kad nga pailansac ka krus ya ari nu?” kunen na. Ket simungbat dito pangpangulu diya agsirsirbi iya Te̍mplu nga kinunen da, “Awan met sabali nga ari mi no di ngas e̍ Ari Se̍sar!” kunen da.

Juan 2:11

Ket yan nga inariman ne̍ Je̍sus enna Kana iya prubinsiya nga Galilya, itu ya kaonaan nga nakaskasdaaw nga inariman na. Ket iya agten iyan, nipasingen na ya kinadayaw na antuni, ket namati igina dito adalan na.

Juan 7:41

Ket diya duduma, kinunen da, “Igina met ya Kristu!” Ngem uwed da met pe̍ nagkunen, “Siyac bekken! Ta bekken kanu nga Galilya ya pagtaudan niya Kristu!

Juan 7:52

Ket kinunen dito duduma igina, “Ahah! IGalilya ka pe̍ aya? Adalem nga nalaing diya naisurat iya Bibliya, ket maemmuwam ngarudin nga pulus nga awan mammadtu nga tumaud ka prubinsiya nga Galilya!” kunen da.

Aramid 10:37

Ket emmu nu met pe̍ ya maipanggep kadito naar-ariman iya prubinsiya nga Hudya se̍ diya duduma nga prubinsiya idi nga pagiliyan. Ket nangrugi diyan nga napasamac enna prubinsiya nga Galilya, kalpasan nito panangikasaba nito Juan ito panangbacbautisar na.

Aramid 23:10

Ket ito dandani da nga agkakabilin, nadanagan to kumande̍r, ta mansing, kaynun no pisapisayen da nge̍ Pablu win. Dikad pe̍ binilin na dito suldadu nga mawe̍ mamet e̍ Pablu tasun iyadeyyu da kadito Hudyu, se̍ e̍lbe̍t da kanu iya kampu dan. Ket tinungpal da ngarud.

Aramid 5:33

Ket ito nagicna dito kunse̍hale̍s to kinagi de̍ Pe̍dru, nakaunget da nga unayin, ket gabay da kuma nga patayen dan.

Aramid 7:54

Ket ito nagicna dito kunse̍hale̍s to kinagi ne̍ E̍ste̍ban, nakaunget da nga unay igina nga nangarmet da gapu iya napalaus nga unget da.

Aramid 7:57

Ngem dito kunse̍hale̍s, kinumre̍s da nga inpup da diya tingtinga da, se̍ da dimoclos nga amin nga nanglabnuc igina.