Lukas 23:41 - Ya Baru nga Tulag

⁴¹ Ket dacta, rumbeng met yani nga dusa ta, ata itu ya tumutup nga supapac dito winangwangel ta. Ngem iyan nga toley nga gennung, awan met winangel na nga dake̍c,” kunen na.

Lukas 23:41 Iomraidhean Croise

Matyu 27:19

Ket bekken nas nga iyan, ta ito madama pekkem nga nakatugew nge̍ Pilatu ito tugew na iya pangukuman, uwed nipaibaga nito asawa na igina nga kunen na, “Madi ka kuma makibiyang iyan nga toley nga awan basul na. Ta nariribukan nac nga unay gapu iya napasmeggac ito gabi maipanggep igina.”

Matyu 27:24

Ket e̍ Pilatu, nadlaw na nga awan mamaay na ya panangipilit na, no di lugud mangpariribuc ngas kadito toltoley. Itu nga namet ka danum, ket binegguwan na met diya ima na ito imatang dito toltoley, nga kinunen na, “Awan basul ku iya pannakatey nidi nga toley! Basul nu was yanin!” kunen na.

Matyu 27:4

nga kinunen na, “Nakabasul lac met, ta niyawat ku ka pakatayan na ya awan basul na,” kunen na. Ket kinunen da, “Nagan ya bibiyang mi iyan? Pruble̍mam mas yanin, a!” kunen da.

Matyu 27:54

Ket ya kapitan se̍ dito suldadu na nga nagbanbantay e̍ Je̍sus, napalaus ngarud to ansing da ito nadlaw da to yegyeg se̍ dito duduma nga napasamac itun. Ket kinunen da, “Pudnu met nga Anac ne̍ Apu Diyus yan!” kunen da.

Lukas 23:40

Ngem to kabulun na nga managbasul, nilbec na nga kinunen na, “Ape̍ awan ansing mu e̍ Apu Diyus? Singem, ket agpapada tida nga maukumin.

Lukas 23:42

Ket se̍ na kinunen e̍ Je̍sus, “Je̍sus, lagipen nac kay nad no agparang ka nga agari yin,” kunen na.

1 Te̍salunika 2:10

Dakayu se̍ orey e̍ Apu Diyus met pe̍ ya makapanecnec maipanggep ito napaw-is nga ugali mi nga nasingen nu nga mamati itun. Napudnu se̍ nalinteg met to ugali mi, ket awan pakaumsiyan niya panagbiyag mi itun iya imatang nu.

Santiyagu 4:7

Itu nga paiturayan kayu kuma ngarud e̍ Apu Diyus, se̍ salungasingen nu met ya diyablu, tasun agtalew dakayu.

1 Pe̍dru 1:19

no di lugud ya napateg nga daga ne̍ Kristu nga naiyayus. Ket yan nga daga, arig nga daga niya isa nga naidatun nga urbun karne̍ru. Ket idi nga arig nga urbun karne̍ru, awan pulus pagkurangan winno pakapilawan na.

1 Pe̍dru 2:23

Ket ito linais da, madi bimalbales nga limais. Ket ito nangparigat da igina, madi met namanpansing igida ka dusa da, no di lugud nitalec na ngas ya kasasaad na iya napudnu ya pananglinteg na, nga itu nge̍ Apu Diyus.