Lukas 23:27 - Ya Baru nga Tulag

²⁷ Ket adu diya toley nga nip-ipuyut e̍ Je̍susin, ket uwed da pe̍ babey nga nagladladingit nga nangberberrit e̍ Je̍sus.

Lukas 23:27 Iomraidhean Croise

Matyu 11:17

‘Nagpalpaldeng kami, ngem madi kayu met nagsallip. Naginsasangngit kami, ngem madi kayu met nagladingit.’

Matyu 27:55

Ket uwed da pe̍ adu nga babey antuni iya nabay-at ka e̍teng ito krus, ket nabuya da met to napasamac. Itu diyan dito babey nga simursurut nga nangsirsirbi e̍ Je̍sus itun, nanipud ito nipapanaw na enna Galilya.

Markus 15:40

Ket uwed da pe̍ babey iya nabay-at ka e̍teng ito krus, ket nabuya da met to napasamac. Uwed kadiyan nge̍ Marya nga iMagdala, se̍ e̍ Marya nga ina de̍ Huse̍ nge̍ Santiyagu nga inaudi, se̍ e̍ Salume̍.

Lukas 23:28

Ket linaw-ing ne̍ Je̍sus da, nga kinunen na igida, “Dakayu nga babey nga iHe̍rusale̍m, bekken met nga iyaken ya masapul nga berritan nu, no di lugud diya begbeggi nu mettas, se̍ diya an-anac nu.

Lukas 23:55

Ket dito babey nga simurut e̍ Je̍sus nanipud ka Galilya, nipuyut dan ito Huse̍. Ket nasingen da to nakaitamennan, se̍ to pannakaitalipen nito bangkay ne̍ Je̍sus.

Lukas 8:2

Ket uwed da pe̍ kabulun na nga babey nga dati nga agsacsakit se̍ nasairuwan itun, nga pinalaing mettas ne̍ Je̍sus itun. E̍ Marya nga iMagdala ya isa kadito kabulun na, nga igina ya nakapatalawan itun diya pitu nga sairu.

Lukas 8:52

Ket diya amin nga uwed antuni, berberritan se̍ sangsangitan da to ebbing. Ngem kinunen ne̍ Je̍sus, “Madi kayu agberberritin, ta bekken met nga natey ya ebbing, no di ngas mat-atudug,” kunen na.

Juan 16:20

Ibagac dakayun ya kinapudnu na: Uwed nad ngarud pagberberritan se̍ pagladingitan nu. Ngem diya bekken nga mamati, aganggem da nad mettin. Ngarud, lumdaang nad kayu. Ngem masukatan nad mettas ya leddaang nu ka anggem.