Lukas 23:26 - Ya Baru nga Tulag

²⁶ Ket niruwar da ngarud nge̍ Je̍sus. Ket ito uwed da iya dalan, uwed met nasabet da nga isa nga iSire̍ne̍ nga agnagan ka Simon. Sumungsungad yani nga toley iya siyudadin, nga naggayat iya away. Ket nimet da to Simon, se̍ da nipaagtu to krus igina, se̍ da nipasarunu e̍ Je̍sus.

Lukas 23:26 Iomraidhean Croise

Matyu 5:41

Agten pe̍ no uwed kuma mangpilit ikew nga agitulud ka kanu para igina ka isa nga kilume̍tru, ket itulud mu lugud ka duwa nga kilume̍tru.

Lukas 14:27

Se̍ madi pe̍ makapagbalin nga pasurut ku ya orey nagan na nga madi mangitured iya arig nga panangagtu na iya krus na nga pakailansaan na mettas, tasun sumurut iyaken.

Lukas 23:25

Itu nga to Barabas nga naibalud gapu iya panangriribuc na kadiya toltoley, se̍ nakapatey, ket igina met ya pinairuwar ne̍ Pilatu sigun ito inadeng dito toltoley. Ngem e̍ Je̍sus nga gennung, niyawat met ne̍ Pilatu tasun matungpal to kalikagum dito toltoley.

Lukas 9:23

Ket kinunen na pe̍ igida nga amin, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na nga inalgew ya arig nga panangagtu na iya krus na nga pakailansaan na, ket sumurut ngarud iyaken nin.

Aramid 13:1

Ket ito bungguy mamati enna Antiyakiya, uwed da nalaing nga mangisursuru se̍ mangikaskasaba kadiya paikagi ne̍ Apu Diyus. Itu de̍ Be̍rnabe̍, Simyun nga ninagan da pe̍ ka Pugut, se̍ e̍ Lusiyu nga iSire̍ne̍ se̍ e̍ Manae̍n nga kinaebbingan nito He̍rude̍s nga gube̍rnadur ka Galilya, se̍ uwed pe̍ nge̍ Saulu.

Aramid 2:10

se̍ iPrigya, iPampilya, se̍ ie̍hiptu, se̍ uwed pe̍ gayat kadiya sakup niya Libya nga denni ka Sire̍ne̍. Uwed pe̍ dactida diya sangaili nga iRuma, nga Hudyu se̍ bekken nga Hudyu nga napasurut iya pammati tida nga kinaHudyu.

Aramid 6:6

Ket ito nibaga da kadito apustule̍sin, nikararagan dito apustule̍s dito lalaki se̍ nipatey da diya ima da igida nga inannamungan da dan.

Aramid 6:9

Ngem itun, uwed da Hudyu nga kamkameng niya isa nga gigimungan Hudyu nga ninagan ka “Igle̍siya diya Nawayawayaan”, nga madi da ginabay to nikasaba ne̍ E̍ste̍ban. Itu nga igida, se̍ dito duduma nga Hudyu nga iSire̍ne̍, iAle̍handriya, iSilisiya, se̍ iAsiya, diniskutir da to nikasaba na.