Lukas 23:22 - Ya Baru nga Tulag

²² Ket pine̍tlu manin ne̍ Pilatu nga kinunen igida, “Ape̍ kadi? Nagan ngarud ya basul na? Awan met nasmac ku nga basul na nga tumutup nga pakatayan na. Dikad pe̍ dusaec nga pasaplit ku ngasin, se̍ yac iruwarin,” kunen na.

Lukas 23:22 Iomraidhean Croise

Lukas 23:14

Ket kinunen na igida, “Nisangu nu met yani nga toley iyaken, ta kunen nu nga allilawen na diya toltoley tasun agsalungasing da iya gubiye̍rnu. Ket sinumaryac ngarud iya imatang nu, ngem pudnu nga awan met nasmac ku nga basul na nga gapu niya pakaukuman na nga maikanatad kadito nipabasul nu igina.

Lukas 23:16

Dikad pe̍ dusaec nga pasaplit ku ngasin, se̍ yac iruwarin,” kunen na.

Lukas 23:20

Ngem e̍ Je̍sus met ya gabay ne̍ Pilatu nga iruwar. Itu nga binaliwan na ngarud manin to kinagi na kadito toltoley.

Lukas 23:21

Ngem dito toltoley, nip-ipkaw da manin nga kinunen da, “Pailansam! Pailansam ka krus!” kunen da.

Lukas 23:23

Ngem nilallalu lugud dito toltoley to panangipapilit da, nga nip-ipkaw da nga mailansa kuma kanu nge̍ Je̍sus ka krus. Ket nikasu ngarud ne̍ Pilatu win to nipkaw da nga adeng da.

Lukas 23:4

Ket itun, kinunen ne̍ Pilatu kadito pangulu diya agsirsirbi iya Te̍mplu, se̍ kadito amin nga duduma nga naur-urnung ennan, “Awan met masmac ku nga basul nidi nga toley nga gapu niya pakaukuman na,” kunen na.

1 Pe̍dru 1:19

no di lugud ya napateg nga daga ne̍ Kristu nga naiyayus. Ket yan nga daga, arig nga daga niya isa nga naidatun nga urbun karne̍ru. Ket idi nga arig nga urbun karne̍ru, awan pulus pagkurangan winno pakapilawan na.

1 Pe̍dru 3:18

Ket agten pe̍ iyan nge̍ Kristu. Ta igina, natey met nga nam-ame̍nsan itun nga naipaay kadiya basbasul, ket kustu win para iya amin nga timpu. Orey awan basul na, natey met para dactida nga toley nga sibabasul, tasun iyadenni nactida e̍ Apu Diyus. Ket tutu met, ata gapu iya beggi na, ket natey. Ngem gapu iya Ispiritu, napabiyag.