Lukas 23:2 - Ya Baru nga Tulag

² Ket ito uwed da iya sangu nan, pinabpabasul da nge̍ Je̍sus, nga kinunen da e̍ Pilatu, “Natiliwan mi yani nga toley nga mangiyaw-awan kadiya pada mi nga Hudyu. Ket iparit na met ya panagbayad mi ka buis e̍ Ari Se̍sar, se̍ kunen na met nga igina kanu ya Kristu, nga isa nga ari,” kunen da.

Lukas 23:2 Iomraidhean Croise

Matyu 17:27

Ngem tasun madi tida da kuma mapasakitan, ket agten idi ya wanglem: Mawe̍ ka mamantac enna baybayin. Ket ya mona nga lames nga maalac mu, pakowabem ya musung na. Ket no mapakowab mun, uwed met masmac mu nga pirac. Ket itu win ya e̍cde̍m kadito agsingsingir, nga pagbayad mu ka buis ta nga duwa,” kunen na.

Matyu 22:21

Ket kinunen da, “E̍ Ari Se̍sar, a,” kunen da. Ket iya agten iyan, kinunen manin ne̍ Je̍sus igida, “Dikad pe̍ no diya maipanggep e̍ Ari Se̍sar, ipaay nu da ngarud igina. Ket no diya maipanggep e̍ Apu Diyus, ipaay nu da mettas e̍ Apu Diyus,” kunen na.

Matyu 27:11

Ket e̍ Je̍sus itun, naisangu win ito gube̍rnadur. Ket nagsaludsud to gube̍rnadur igina nga kinunen na, “Tutu kad nga ikew ya Ari diya Hudyu?” kunen na. Ket kinunen ne̍ Je̍sus, “Nakagi mun,” kunen na.

Markus 12:17

Ket kinunen ne̍ Je̍sus igida, “No diya maipanggep e̍ Ari Se̍sar, ipaay nu da ngarud igina. Ket no diya maipanggep e̍ Apu Diyus, ipaay nu da mettas e̍ Apu Diyus,” kunen na. Ket iya agten iyan, nasnasdaaw da ngarud iginan.

Markus 15:2

Ket e̍ Pilatu, sinaludsud na ngarud e̍ Je̍sus nga kinunen na, “Tutu kad nga ikew ya Ari diya Hudyu?” kunen na. Ket kinunen ne̍ Je̍sus igina, “Nakagi mun,” kunen na.

Lukas 23:14

Ket kinunen na igida, “Nisangu nu met yani nga toley iyaken, ta kunen nu nga allilawen na diya toltoley tasun agsalungasing da iya gubiye̍rnu. Ket sinumaryac ngarud iya imatang nu, ngem pudnu nga awan met nasmac ku nga basul na nga gapu niya pakaukuman na nga maikanatad kadito nipabasul nu igina.

Lukas 23:5

Ngem nilallalu da met ya nangipapilit maipanggep igina, nga kinunen da, “Ngem riribuken na met diya toltoley iya amin nga pagiliyan mi nga Hudyu, gapu iya panangisursuru na. Nirugi na enna prubinsiya nga Galilya, ket dimateng met pe̍ idi nin,” kunen da.

Juan 18:29

Dikad pe̍ rinumwar nge̍ Pilatu iya edyan da, ket kinunen na igida, “Nagan ya ipabasul nu idi nga toley?” kunen na.

Juan 18:30

Ket dito Hudyu, kinunen da, “Madi kami met isangu ikew no bekken nga isa nga managbasul,” kunen da.

Juan 19:12

Ket ito nagicna ne̍ Pilatu yan, gabay na manin nga wayawayaan kuma nge̍ Je̍sus. Ngem dito Hudyu, nip-ipkaw da latta nga kinunen da, “No wayawayaam yan nga toley, emmu mi ngarudin nga guraem nge̍ Ari Se̍sar. Ta nabatad met nga ya agten iyan nga toley nga mangibilang iya beggi na nga ari, ket kakuntra na ngarud nge̍ Ari Se̍sar,” kunen da.

Aramid 24:13

Iya agten iyan pe̍, ket didi nga mangpabasul iyaken, awan makagi da ikew nga pakapanecnekkan nga pudnu diya ipabpabasul da iyaken ita.

Aramid 24:5

Ta naemmuwan mi nga dake̍c yani nga lalaki, ta riribuken na diya amin nga pada mi nga Hudyu iya amin nga lubung. Ket igina met pe̍ ya isa kadito mangipangulu iya bungguy dito Nasare̍nu.

Ruma 13:7

Dikad pe̍ tungpalen nu ngarud diya bilbilin diya mangiturturay dakayu. Ket no agsingir da ka buis, bayadan nu ngarud. No uwed duduma nga singiren da, bayadan nu pe̍. No diya uwed turay da, raemmen nu da. No diya uwed saad da, padayawan nu da met pe̍.