Lukas 23:19 - Ya Baru nga Tulag

¹⁹ Ket yan nga Barabas, nabalud gapu iya isa nga riribuc itun nga napasamac iyan mettas nga siyudad, ket pimatey met itun.

Lukas 23:19 Iomraidhean Croise

Markus 15:7

Ket uwed isa nga balud itun nga agnagan ka Barabas. Naisangabalud met yani kadito kabulun na nga pimatey ito timpu riribuc itun.

Lukas 23:18

Ngem nagkaykaysa dito toltoley nga nangip-ipkaw, nga kinunen da, “Ipapatey mu yan nga toley! Ya balud nga Barabas ya gabay mi nga iruwar mu!” kunen da nga ne̍cre̍s.

Lukas 23:2

Ket ito uwed da iya sangu nan, pinabpabasul da nge̍ Je̍sus, nga kinunen da e̍ Pilatu, “Natiliwan mi yani nga toley nga mangiyaw-awan kadiya pada mi nga Hudyu. Ket iparit na met ya panagbayad mi ka buis e̍ Ari Se̍sar, se̍ kunen na met nga igina kanu ya Kristu, nga isa nga ari,” kunen da.

Lukas 23:20

Ngem e̍ Je̍sus met ya gabay ne̍ Pilatu nga iruwar. Itu nga binaliwan na ngarud manin to kinagi na kadito toltoley.

Lukas 23:5

Ngem nilallalu da met ya nangipapilit maipanggep igina, nga kinunen da, “Ngem riribuken na met diya toltoley iya amin nga pagiliyan mi nga Hudyu, gapu iya panangisursuru na. Nirugi na enna prubinsiya nga Galilya, ket dimateng met pe̍ idi nin,” kunen da.

Aramid 21:38

Garup ku no ikew to isa nga ie̍hiptu nga nagriribuc itun, nga nangipangulu kadito eppat nga ribu nga toley nga managdacdake̍c, ito nawe̍ da nga sangkabungguy enna away,” kunen na.

Aramid 3:14

Ngem madi nu nipalubus nga pinaruwar ne̍ Pilatu nge̍ Je̍sus, orey igina ya nalinteg nga awan pagkurangan na iya imatang ne̍ Apu Diyus. Ket ya isa nga pumapatey nga gennung ya inun-unay nu nga nipairuwar e̍ Pilatu.