Lukas 22:70 - Ya Baru nga Tulag

⁷⁰ Ket amin da, kinunen da ngarud igina, “Dikad kayat mu kad nga kagiyen nga ikew ya Anac ne̍ Apu Diyus?” kunen da. Ket kinunen ne̍ Je̍sus igida, “Nakagi nu mettin,” kunen na.

Lukas 22:70 Iomraidhean Croise

Matyu 26:25

Ket e̍ Hudas, nga itu to nakitulag nga mangiyawat e̍ Je̍sus, kinunen na met, “Mistru, bekken nga iyaken ya kunem, ey?” kunen na. Ket e̍ Je̍sus, kinunen na ngarud igina, “Itu ya kinunem,” kunen na.

Matyu 26:64

Ket kinunen ne̍ Je̍sus igina, “Nakagi mun. Ket bekken nas nga iyan, ta pudnu met pe̍ nga manipud ita nga timpu, masingen nu ngarud ya Anac nga Naipatoley nga nakatugew iya madiwanan niya Mannakabalin. Se̍ masingen nu pe̍ nga umbe̍t nad manipud iyan, nga nakasakey kadiya ulep nga gayat ka langit,” kunen na met.

Matyu 27:11

Ket e̍ Je̍sus itun, naisangu win ito gube̍rnadur. Ket nagsaludsud to gube̍rnadur igina nga kinunen na, “Tutu kad nga ikew ya Ari diya Hudyu?” kunen na. Ket kinunen ne̍ Je̍sus, “Nakagi mun,” kunen na.

Matyu 27:43

Agtalec kanu e̍ Apu Diyus. Ala, isalakan kuma ngarud ne̍ Apu Diyus ita ngi nin, no tutu nga magustuwan na yani. Ta kinunen kanu met nidi nga toley nga, ‘Anac nac nge̍ Apu Diyus,’ kunen na kanu met,” kunen da.

Matyu 27:54

Ket ya kapitan se̍ dito suldadu na nga nagbanbantay e̍ Je̍sus, napalaus ngarud to ansing da ito nadlaw da to yegyeg se̍ dito duduma nga napasamac itun. Ket kinunen da, “Pudnu met nga Anac ne̍ Apu Diyus yan!” kunen da.

Matyu 3:17

Ket itun, uwed met timec nga nagicna antuni nga nagtaud ka langit, nga kinunen na, “Itu yani ya Anac ku nga dungdungnguwec. Igina ya pakaay-ayuwac,” kunen na.

Matyu 4:3

Ket imadenni to mangsulisug, ket kinunen na e̍ Je̍sus, “No tutu nga Anac naka nge̍ Apu Diyus, bilinem man didi nga batu nga agbalin da nga tinapay,” kunen na.

Markus 14:62

Ket kinunen ne̍ Je̍sus, “Bo, iyaken met. Ket masingen nu nad ngarud ya Anac nga Naipatoley nga nakatugew iya madiwanan niya Mannakabalin. Se̍ masingen nu nad pe̍ nga umbe̍t manipud iyan, nga maibulun igina diya ulep nga gayat ka langit,” kunen na met.

Markus 15:2

Ket e̍ Pilatu, sinaludsud na ngarud e̍ Je̍sus nga kinunen na, “Tutu kad nga ikew ya Ari diya Hudyu?” kunen na. Ket kinunen ne̍ Je̍sus igina, “Nakagi mun,” kunen na.

Lukas 22:71

Ket kinunen da, “Ke̍h! Awan pakasapulan tidan ka sabali nga sacsi yin, ta nagicna tidan ya mismu mettas nga kagi na,” kunen da.

Lukas 23:3

Ket e̍ Pilatu, sinaludsud na ngarud e̍ Je̍sus, “Tutu kad nga ikew ya Ari diya Hudyu?” kunen na. Ket kinunen ne̍ Je̍sus igina, “Nakagi mun,” kunen na.

Lukas 4:41

Ket adu da met pe̍ dito naluganan ka sairu, ket pinagtalew ne̍ Je̍sus dito sairu nga naglugan igida. Ket ne̍c-e̍cre̍s dito sairu nga kinunen da, “Ikew ya Anac ne̍ Apu Diyus!” kunen da. Ngem e̍ Je̍sus, binilin na da, nga di na pinalubusan nga agkagi da, gapu ta emmu da met nga igina ya Kristu.

Juan 1:34

Ket tutu met, ata nasingec ngarud yanin, ket itu nga panecnekkac dakayu nga igina met ya Anac ne̍ Apu Diyus,” kunen na.

Juan 1:49

Ket to Natanye̍l, kinunen nan, “Mistru, Anac naka ngarud nge̍ Apu Diyus! Ikew ya Ari mi nga Israe̍lita!” kunen na.

Juan 10:30

Ngarud, ya Ama se̍ iyaken, ket is-isa,” kunen na.

Juan 10:36

Itu nga no maipanggep iyaken, ape̍ kunen nu nga maikuntra e̍ Apu Diyus ya kagic no kunec nga iyaken ya Anac ne̍ Apu Diyus? Ta iyaken, pinili nac met ya Ama nga agpaay iya panggep na, ket nibon nac ngarud iya lubung ngi.

Juan 18:37

Itu nga kinunen ngarud ne̍ Pilatu igina, “Dikad pe̍, isa ka ngarud nga ari, ey?” kunen na. Ket kinunen ne̍ Je̍sus, “Tutu ya kunem nga ari yac. Ket inumbe̍t tac nga naiyanac idi nga lubung, tasun ipakaemmuc ya pudnu. Ket amin diya mangipateg iya pudnu, ipangag dac pe̍,” kunen na.

Juan 19:7

Ket kinunen dito Hudyu, “Sigun iya isa nga bilin iya linteg mi, rebbeng na ya matey ya agten iyan nga toley, ta kunen na met nga igina kanu ya Anac ne̍ Apu Diyus,” kunen da.