Lukas 22:66 - Ya Baru nga Tulag

⁶⁶ Ket ito agwada ngin, naguurnung dito kunse̍hale̍sin, nga itu dito panglakayen diya Hudyu, se̍ dito pangpangulu diya agsirsirbi iya Te̍mplu, se̍ dito manursuru iya Linteg. Ket didi nga kunse̍hale̍s, nipasangu da nge̍ Je̍sus igida iya paguurnungan da.

Lukas 22:66 Iomraidhean Croise

Matyu 27:1

Ket ito umagsapa ngin, amin dito pangpangulu diya agsirsirbi iya Te̍mplu, se̍ dito panglakayen diya Hudyu, nagiinnumanan dan no kumaan da kuma nga mangpapatey e̍ Je̍sus.

Matyu 5:22

Ket ya ibagac dakayu, ket ya amin nga orey makaunget ngas iya kapada na, rebbeng na met ya maisangu nga maukum kadiya kustisiya. Se̍ ya orey nagan na nga mangagi iya kapada na nga, ‘Awan nakem mu!’ ket rebbeng na met ya maisangu iya Kunse̍hus. Se̍ ya mangagi nga, ‘Turpi ka!’ ket rebbeng na met ya maipisuc iya apuy nga pagdusaan enna impiye̍rnu.

Markus 15:1

Ito umagsapa ngin, nagiinnumanan dito pangpangulu diya agsirsirbi iya Te̍mplu, se̍ dito panglakayen diya Hudyu, se̍ dito manursuru iya Linteg, se̍ amin dito duduma nga kunse̍hale̍s. Ket kalpasan nito panagtutulag dan, pinungu da ngarud nge̍ Je̍susin, se̍ da nipen iya edyan ne̍ Gube̍rnadur Pilatu win, ket niyawat da iginan.

Juan 18:28

Ito ag-agsapa pekkem mas iyan mettas nga algew, nipanaw da nge̍ Je̍sus ito baley ne̍ Kaipas, ket nipen da iya palasiyu niya gube̍rnadur nga iRuma. Ngem dito Hudyu, madi da ginabay ya nimuneg ito palasiyu, ta kanyew igida. Ta no umuneg da iya baley niya isa nga bekken nga Hudyu, basta maiparit igidan ya makipadaya itun iya Padaya Nitatalib.

Aramid 22:5

Ya kangatuwan nga agsirsirbi iya Te̍mplu se̍ amin diya kunse̍hale̍s, ket mapanecnekkan da to winangwangel ku. Ta igida met ya namettac kadito surat nga para kadiya pada tida nga Hudyu ka Damasku, tasun palubusan dac nga mawe̍ mangtekkem kadiya pasurut ne̍ Je̍sus antuni, ta gabay ku da nga e̍lbe̍t ennid He̍rusale̍m, tasun madusa da.