Lukas 22:52 - Ya Baru nga Tulag

⁵² Ket se̍ nagkagi nge̍ Je̍sus kadito inumbe̍t nga mangtekkem igina nga pangulu diya agsirsirbi iya Te̍mplu, se̍ kadito pangulu dito guwardiya niya Te̍mplu, se̍ dito panglakayen diya Hudyu, nga kinunen na, “Ape̍ kad nga agtagiispada se̍ agtagipang-ur kayu nga inumbe̍t mangtekkem iyaken, nga arig nga isa ngac nga tulisan?

Lukas 22:52 Iomraidhean Croise

Matyu 26:47

Ket ito agkagkagi pekkem nge̍ Je̍sus, inumbe̍t to Hudas nga isa ngarud kadito sangapulu ket duwa nga adalan. Ket kabulun na ya adu nga toley nga nagtagiispada se̍ nagtagipang-ur. Diyan nga toley, ebbon met dito pangpangulu diya agsirsirbi iya Te̍mplu, se̍ dito panglakayen diya Hudyu.

Matyu 26:55

Ket itun, kinunen ne̍ Je̍sus kadito toley nga naguurnung antuni, “Ape̍ kad nga agtagiispada se̍ agtagipang-ur kayu nga inumbe̍t mangtekkem iyaken, nga arig nga isa ngac nga tulisan? Inalgew nga uwed dac met nga agtugtugew nga mangisursuru enna Te̍mplu, ngem madi dac met nga tinkem.

Lukas 22:37

Ta pudnu met nga ya mapasamac nad iyaken, itu nad ya pakatungpalan nito naisurat iya Bibliya nga masapul nga matungpal nga kunen na, ‘Ket naibilang met nga isa kadiya managdacdake̍c.’ Ta matungtungpal nga tutu win to naisurat maipanggep iyaken,” kunen na.

Lukas 22:4

Ket to Hudas, nawe̍ nakitulag kadito pangpangulu diya agsirsirbi iya Te̍mplu, se̍ dito pangulu diya guwardiya niya Te̍mplu, no kumaan niya panangiyawat na kuma e̍ Je̍sus igida.

Lukas 22:51

Ngem kinunen ne̍ Je̍sus, “Bay-an tida ya agten iyan!” kunen na. Ket sine̍cde̍ng na ya natalingu nga tinga nito tagabu, ket pinalaing nan.

Lukas 22:53

Inalgew nga uwed dac met iya imatang nu enna Te̍mplu, ngem madi dac met nga tinkem. Ngem ita mettas, itu ya gundaway nu, ket itu pe̍ yin ya gundaway ne̍ Satanas nga paggayatan niya pannakabalin niya gicbet,” kunen na.

Juan 17:12

Bayat niya kauwed ku igida, iyaken ya nangaywan igida gapu iya turay mu nga nitalec mu iyaken. Ngarud, nislaanac da, ket awan igida ya napukaw ku, malacsid to isa, nga igina ya agpaay ka pannakapukaw, ta itu ya pakatungpalan nito naisurat iya Bibliya itun pekkem.

Aramid 5:26

Ket to kapitan se̍ diya guwardiya, nawe̍ da ngarud nimet dito apustule̍s. Ngem madi da da pinilit, ta mansing dito guwardiya kadiya toltoley, kaynun no uburen da dito guwardiya.