Lukas 22:43 - Ya Baru nga Tulag

⁴³ [Ket itun, uwed nagparang e̍ Je̍sus nga isa nga anghe̍l nga gayat ka langit, nga nangpabileg igina.

Lukas 22:43 Iomraidhean Croise

Matyu 26:53

Nagan na lugudin? Di ngarud aya mabalin ku ya agadeng e̍ Amac ka tulung na, ket sigida nga mangibon ka orey nasuruc nga sangapulu ket duwa nga dackel nga bungguy diya anghe̍le̍s nga tumulung iyaken?

Matyu 4:11

Ket to diyablu, pinanawan na ngarud nge̍ Je̍susin. Ket itun, uwed da met anghe̍le̍s nga nawe̍ nangistimar e̍ Je̍sus.

Matyu 4:6

se̍ na kinunen igina, “No tutu nga Anac naka nge̍ Apu Diyus, lumatuc ka man idi. Ta uwed met naisurat iya Bibliya nga kunen na, ‘Bilinen ne̍ Apu Diyus diya anghe̍le̍s na nga mangaywan ikew. Tapayaen daka nad kadiya ima da, tasun orey ya sakam, madi met masakitan ka batu,’ kunen na iya Bibliya,” kunen niya diyablu.

Lukas 22:32

Ngem nikararagan naka e̍ Apu Diyus, Pe̍dru, tasun madi kuma mapukaw ya panamatim. Ket no sumoli nad ikew ya nabileg nga panamatim iyaken, masapul nga ikew mettas ya mangpabileg kadiya padam nga adalan,” kunen na.

Aramid 14:22

tasun pabakedden da ya panamati diya pasurut niya Apu antuni. Binagbagaan da da nga ituluy da kuma ya isusurut da iya pammati iya Apu, nga kinunen da, “Dactida nga mamati iya Apu, masapul met nga maparparigat tida nga unay. Ket iya agten iyan, makipaglak-am tida nad iya panangituray ne̍ Apu Diyus dactida,” kunen da igida.

Aramid 18:23

Ket ito naalac na ya sumagpipiga nga algew antuni nin, pimanaw manin, nga nawe̍ na pinaspasyar diya il-ili kadiya prubinsiya nga Galasiya se̍ Prigya, nga nangpabpabileg iya panamati diya amin dito pasurut niya Apu antuni.

1 Timutyu 3:16

Ket napateg ngarud nga unay ya banag niya pammati tida nga nipakaemmu win ne̍ Apu Diyus. Agten idi ya banag na: Igina, nagparang nga naipatoley. Ket gapu iya Ispiritu ne̍ Apu Diyus, napanecnekkan ya kinalinteg na, se̍ nasingen pe̍ diya anghe̍le̍s. Ket naipadpadamag ya maipanggep igina kadiya pagpagiliyan, ket adu da nga namati iginan idi nga lubung. Ket naiyune̍c kin nga madaydayaw enna langit.

He̍briyu 1:14

Ngem no diya anghe̍le̍s, emmu tida nga igida nga amin diya madi masingen nga eb-ebbonen ngas ne̍ Apu Diyus. Ket ibon ne̍ Apu Diyus da nga tumulung kadiya amin nga maipaayan ka pannakaisalakan.

He̍briyu 1:6

Ket nad manin no ibon ne̍ Apu Diyus idi nga lubung ya Kaonaan nga Anac na nga katurayan, kunen na, “Masapul nga agdayaw igina diya amin nga anghe̍le̍s ne̍ Apu Diyus.”

He̍briyu 2:17

Ket itu nga masapul nga linak-am ne̍ Je̍sus diya amin nga kasasaad diya naibilang nga kakabsat na, tasun igina kuma ya agbalin nga managkaasi se̍ mapagtalkan nga Kangatuwan nga Agsirsirbi, nga mangibegbeggi dactida e̍ Apu Diyus. Ket iya agten iyan, inariman nan ya pannakaudas nga pakapakawanan diya basbasul diya toley.