Lukas 22:42 - Ya Baru nga Tulag

⁴² Ket kinunen na iya panagkararag na, “Ama, no tarigagay mu nga maipac yani nga panagsagaba nga lak-amec, nga rigat nga arig nga inumec, ket ipac mu kuma ngarud. Ngem bekken kuma ngarud nga ya tarigagay ku ya matungpal, no di lugud ya tarigagay mu,” kunen na.

Lukas 22:42 Iomraidhean Croise

Matyu 11:25

Ket itun, nagkararag nge̍ Je̍sus nga kinunen na, “Agyaman nac ikew, Ama nga Apu niya langit se̍ ya lubung ngi. Agyaman nac ngarud, gapu ta nilimed mu didi nga banbanag kadiya uwed adal da se̍ kadiya mamasirib, ngem nipakaemmum nga gennungin kadiya kadawyan nas nga toley nga maiyarig ka ebbing nga awan pekkem adal na.

Matyu 11:26

Agten iyan ngarud ya wagas mu, Ama, ta itu met ya gabay mu,” kunen na.

Matyu 20:22

Ket kinunen ne̍ Je̍sus, “Madi nu met maawatan ya kaipapennan nidi nga ad-adngen nu. Ape̍? Kabaellan nu kad nga itured ya panagsagaba nga lak-amec, nga rigat nga arig nga inumec?” kunen na. Ket kinunen dito duwa, “Kabaellan mi met, a,” kunen da.

Matyu 26:39

Ket imadeyyu nge̍ Je̍sus ka e̍teng igida, se̍ nagdarongkeb iya ginet nga nagkarkararagin, nga kinunen na, “Amac! No mabalin nas kuma, mailisi kuma iyaken yani nga panagsagaba nga lak-amec, nga rigat nga arig nga inumec. Ngem bekken kuma ngarud nga ya tarigagay ku ya matungpal, no di lugud ya tarigagay mu,” kunen na.

Matyu 26:42

Ket nawe̍ manin nge̍ Je̍sus nga nagkararag, ket kinunen na ito maikadduwa nga kararag na, “Amac, no madi mabalin nga mailisi iyaken yani nga rigat nga arig nga inumec, no di yac pekkem lak-amen ita, ket basta matungpal kuma ngas ya tarigagay mun,” kunen na.

Matyu 26:44

Ket nibati na da manin, nga nawe̍ nagkararag iya kapame̍tlu nan. Ket inulit na manin to agten mettas nga banag nito kararag na e̍ Apu Diyus.

Matyu 6:10

madatngan kuma ya panangituray mu, ket maariman kuma ya tarigagay mu idi nga lubung, nga agten mettas iya maar-ariman enna langit.

Markus 14:36

Ket kinunen na iya kararag na, “Ama! Amac! Mabalinam ya amin. Ipac mu kuma yani nga panagsagaba nga lak-amec, nga rigat nga arig nga inumec. Ngem bekken kuma ngarud nga ya tarigagay ku ya matungpal, no di lugud ya tarigagay mu,” kunen na.

Lukas 23:34

Ket e̍ Je̍sus, kinunen na, “Ama, pakawanem kay diya mangwangel idi iyaken, ta di da maawatan ya banag niya wangwanglen da,” kunen na. Ket uwed da met nagbibinnunut nga nagbibingayan da diya luput ne̍ Je̍sus.

Juan 18:11

Ngem e̍ Je̍sus, kinunen na ngarud e̍ Pe̍dru, “Bay-am mun! Ibainam mas ya ispada mun. Ape̍? Di yac aya nakasagana nga mangawat iya panagsagaba nga nitalec niya Ama iyaken, nga rigat nga arig nga inumec?” kunen na.

Juan 4:34

Dikad pe̍ e̍ Je̍sus, kinunen na igida, “Ya pagbiyag ku nga kunec, itu ya panangtungpal ku iya tarigagay niya nangibon iyaken, se̍ ya panangilpas ku iya ipawangel na iyaken.

Juan 5:30

“Ket iyaken, awan mawangel ku nga kabucbukudac, no di lugud sigun nas iya ibaga niya Ama iyaken ya panangukum ku. Ket itu nga nalinteg ngas ya panangukum ku, ta bekken nga ya tarigagay ku ya wanglec, no di ngas ya gabay niya nangibon iyaken,” kunen ne̍ Je̍sus.

Juan 6:38

Ta inumbe̍t tac nga gayat ka langit, tasun wanglec ya tarigagayan niya nangibon iyaken, bekken nas nga ya tarigagayac.

Aramid 21:14

Ket ito madi kami magapusin, pinalubusan min, ket kinunen mi ngas nga ya gabay niya Apu kuma ya matungpalin.