Lukas 22:36 - Ya Baru nga Tulag

³⁶ Ket kinunen ne̍ Je̍sus igida, “Ngem ya kunec itan, ket ya uwed kuwarta na dakayu, alac na kuma, se̍ alac nu met pe̍ ya legpi nu no uwed. Ket ya awan ispada na, ilaku na kuma ngin ya ke̍bal na, se̍ mawe̍ ngumina.

Lukas 22:36 Iomraidhean Croise

Matyu 10:10

Madi kayu pe̍ agitarey ka legpi, winno parutap nga badu, se̍ re̍se̍rba nga palloka man, winno sacgukud. Ta ya agtarabaku, maikari ngarud nga mae̍cdan ka pagbiyag na.

Lukas 22:35

Ket kinunen manin ne̍ Je̍sus kadito adalan na, “Ito nibon nakayu itun nga awan nitarey nu nga kuwarta, legpi winno re̍se̍rba nu nga palloka, uwed kad nagkurangan nu itun?” kunen na. “Awan met,” kunen da.

Lukas 22:37

Ta pudnu met nga ya mapasamac nad iyaken, itu nad ya pakatungpalan nito naisurat iya Bibliya nga masapul nga matungpal nga kunen na, ‘Ket naibilang met nga isa kadiya managdacdake̍c.’ Ta matungtungpal nga tutu win to naisurat maipanggep iyaken,” kunen na.

Lukas 22:38

Ket kinunen dito adalan na, “Kad ya duwa nga ispada idi, Apu,” kunen da. Ket kinunen ne̍ Je̍sus igida, “Kustun,” kunen na.

Juan 15:20

Laglagipen nu kuma to nibagac dakayu, nga bekken nga nangatngatu ya tagabu ngem iya amu na. Dikad pe̍ gapu ta nirurumen dac, ket uwed da met pe̍ igida diya mangirurumen nad dakayu. Ket se̍ gapu ta uwed da pe̍ duduma igida nga nagtungpal iya kagic, ket uwed met pe̍ diya agtungpal nad iya kagi nu.

Juan 16:33

“Nibagac didi dakayu ita, tasun gapu nad mettas iya panamati nu iyaken, uwed pekkem talna nu. Ta idi nga lubung, maparigatan kayu was met. Ngem agtalged kayu lugud, ta iyaken, inabac kun ya kinadake̍c nga uwed idi nga lubung!” kunen ne̍ Je̍sus.

1 Te̍salunika 3:4

Ta ito uwed kami pekkem iya edyan nu, nipacpakona mi nga nipalawag dakayu nga maparigatan tida nad met. Ket emmu nu ngarud nga tutu mettin, ta nadatnganin dakayu to agten ito kunen mi itun.

1 Pe̍dru 4:1

Ket iya agten iyan, gapu ta nagsagaba ya beggi ne̍ Kristu itun, sisasagana kayu kuma pe̍ nga agsagaba nga agten igina. Ta emmu tida nga ya toley nga nagsagaba ya beggi na, nagsardeng pe̍ yin iya panagbasul na.