Lukas 22:32 - Ya Baru nga Tulag

³² Ngem nikararagan naka e̍ Apu Diyus, Pe̍dru, tasun madi kuma mapukaw ya panamatim. Ket no sumoli nad ikew ya nabileg nga panamatim iyaken, masapul nga ikew mettas ya mangpabileg kadiya padam nga adalan,” kunen na.

Lukas 22:32 Iomraidhean Croise

Matyu 18:3

Ket kinunen na, “Tutu met nga pulus nga madi kayu makalak-am iya panangituray niya Nailangitan no madi kayu agbaliw kadiya pangpanggep nu, nga agbalin kayu nga arig mettas nga ebbing.

Matyu 26:75

Ket nalagip ngarudin ne̍ Pe̍dru to nibaga ne̍ Je̍sus igina itun nga, “Sacbay niya panagtataraut diya kawitan, ket name̍tlu nac nad met nga nilibac kin.” Ket rinumwar ngarud nge̍ Pe̍dru iyan, ket nagberrit ka napalausin.

Markus 14:72

Ket pag-isu met nga uwed maikadduwa nga nagtaraut nga kawitanin. Ket nalagip ngarudin ne̍ Pe̍dru to nibaga ne̍ Je̍sus igina itun nga, “Sacbay niya maikadduwa nga panagtataraut diya kawitan, ket name̍tlu nac nad met nga nilibac kin.” Ket ito nalagip ne̍ Pe̍dru yanin, nagberberrit met nga tutu win.

Markus 16:7

Ngem kalpasan na, mawe̍ kayu lugud ibaga kadiya adalan na, agraman e̍ Pe̍dru nga kunen nu ya agten idi: ‘Mon-ona nge̍ Je̍sus ngem dakayu nga mawe̍ enna Galilya ngin. Masingen nu nad ngarud antuni, maikanatad mettas ito kinunen na dakayu itun,’ kunen nu,” kunen nito nakapuraw.

Lukas 8:13

Ket dito bukel nga nagdessag ito ginet nga uwed pinas iya uneg na, itu diya maiyarig kadiya toley nga makagicna iya kagi ne̍ Apu Diyus, ket awaten da nga siaanggem. Ngem gapu ta arig da nga mula nga awan nauneg nga gamut da, nalaka da nga mamati iya damu, ngem dagus da nga aglikud no uwed pakasulisugan da.

Juan 14:19

Ket iya di mabayag, madi dac masingen nin diya bekken nga mamati. Ngem no dakayu, malasin dac nad lugud. Ket gapu ta sibibiyag gac nad pekkem, sibibiyag kayu met pe̍.

Aramid 3:19

Dikad pe̍ ita, agbabawi kayu kuma ngarudin, nga sumoli kayu iya Apu tasun mapunas diya basbasul nu.

Ruma 8:32

Ngarud, e̍ Apu Diyus, madi na nipaidam ya mismu nga Anac na nga Je̍sus, no di lugud nipalubus na nga napatey nga agpaay dactida nga amin. Ket gapu ta nipaay na ya Anac na dactida itun, di nactida ngarud kanunungen iya panange̍cde̍ na nga siaasi iya Anac na ka amin nga banbanag?

Ruma 8:34

Awan pe̍ makaukum dactidan iya imatang ne̍ Apu Diyus. Ta e̍ Kristu Je̍sus, igina met to natey, ket bekken nas nga natey, no di lugud napagungar met pe̍. Ket naisaadin iya kadayawan nga edyan, nga itu ya madiwanan ne̍ Apu Diyus. Ket igina mettin ya mangibabaet dactidan e̍ Apu Diyus.

2 Timutyu 2:18

Ta igida nga duwa, imadeyyu dan iya pudnu nga sursuru, ket riribuken da mettin ya panamati diya duduma. Ta kunen da nga nalpasin ya panagungar diya natey.

Titu 1:1

Iyaken nge̍ Pablu nga isa nga agsirsirbi e̍ Apu Diyus se̍ isa nga apustul nga agpaay e̍ Je̍su Kristu. Naibon nac nga mangpabileg iya panamati diya pinili ne̍ Apu Diyus nga an-anac na, se̍ tasun mangiturung ngac pe̍ igida iya kustu nga sursuru niya pammati tida, nga itu ya sursuru nga agiturung iya panagtungpal iya tarigagay ne̍ Apu Diyus.

He̍briyu 12:15

Agannad kayu ngarud tasun awan dakayu ya manglikud iya siaayat nga asi ne̍ Apu Diyus. Ket annadan nu pe̍ tasun awan kuma dakayu ya pakaigapuwan niya panagbasul, nga arig nga gamut niya kayu nga mange̍cde̍ ka nape̍t. Ta kaynun no makaalis pe̍ iya kaaduwan ya kinadake̍c niyan nga toley, nga mangriribuc igida.

He̍briyu 7:25

Itu nga awan pulus pagkurangan na ka agnanayun ya panangisalakan na kadiya umadenni e̍ Apu Diyus gapu igina. Ta igina, sibibiyag met nga mangibegbeggi ka agnanayun dactida e̍ Apu Diyus.

1 Pe̍dru 1:1

Iyaken nge̍ Pe̍dru, nga isa nga apustul nga agpaay e̍ Je̍su Kristu. Surat ku yani dakayu nga pinili ne̍ Apu Diyus nga toley na, nga dakayu nga arig nga gan-gannaet nga naiwaraswaras kadiya il-ili kadiya prubinsiya nga Puntu, Galasiya, Kapadusiya, Asiya, se̍ Be̍tanya.

1 Pe̍dru 1:13

Itu nga pabilgen nu ngarud ya panpanunut nu, se̍ tanangen nu met pe̍ ya panagpanpanunut nu. Ket isnup nu kuma ngas ya panangnamnama nu iya siaayat nga pakaasiyan nu nad no madatngan ya panagparang ne̍ Je̍su Kristu.

1 Pe̍dru 1:5

Ket gapu iya panamati nu, aywanan nakayu nge̍ Apu Diyus gapu iya pannakabalin na patingga iya pakatungpalan niya naisagana nga pakaisalakanan tida nga maipakaemmu nad no kaodiyan nga algew.

2 Pe̍dru 3:14

Dikad pe̍ dakayu nga patpatgec, gapu ta namnamaen nu diyan, wanglen nu kuma ya patingga niya kabaellan nu nga mangtungpal kadiya gabay ne̍ Apu Diyus, tasun ibilang nakayu nga awan mansa winno pagkurangan na, nga katunus nakayun.

1 Juan 2:19

Didi nga kumunkuntra e̍ Kristu, ket bekken tida nga tutu nga kamkameng didi, itu nga simina da dactidan. Ta no tutu da kuma nga kamkameng tida, ituluy da kuma ya pannakitipun da dactida. Ngem simina da mettin, ket itu nga nabatadin nga bekken tida da nga tutu nga kamkameng.