Lukas 22:30 - Ya Baru nga Tulag

³⁰ Itu nga mabalin nu ya makisangu nad iyaken nga mangan iya pagturayac. Ket pagtugawen nakayu nad pe̍ nga mangipangulu kadiya kapututan dito sangapulu ket duwa nga anac nito Israe̍l.”

Lukas 22:30 Iomraidhean Croise

Matyu 19:28

Ket kinunen ne̍ Je̍sus igida, “Pudnu met yani nga ibagac dakayu: Dakayu nga sumurut iyaken ita, ket maipatugew kayu nad met nga situturay ka sangapulu ket duwa nga trunu. Agten iyan nad ngarud iya kabarbaru nga timpu, no agtugew win nga situturay ya Anac nga Naipatoley iya trunu na nga pakaidayawan na. Ket dakayu nad ya mangdisidir maipanggep kadiya kapututan dito sangapulu ket duwa nga anac nito Israe̍l.

Matyu 5:3

“Nagasat diya mangipudnu iya kinakurang da maipanggep e̍ Apu Diyus, ta uwed met igida ya panangituray niya Nailangitan.

Matyu 8:11

Tutu met nga adu nad diya gayat iya daya se̍ ellod nga makisangu nga mangan kade̍ Abraham, Isaac se̍ e̍ Hakub iya pagiturayan niya Nailangitan.

Lukas 12:37

Ket maragsakan ngarud met diya tagabu, no madatngan niya amu da nga silulukag da. Ta pudnu met nga no agten iyan ya madatngan niya amu da, igina nga gennung ya agkawwes ka luput nga para wangel lin, nga arig nga tagabu, ket patugawen na diya tagabu na iya panganan. Ket igina mettasin ya agsirbi igidan.

Lukas 14:15

Ket ito nagicna niya isa kadito nakisangu e̍ Je̍sus yan nga kinagi na, kinunen na met e̍ Je̍sus, “Nagasat ngarud ya toley nga makisangu nga makipangan nad iya pagiturayan ne̍ Apu Diyus!” kunen na.

2 Timutyu 2:12

Ket no anusan tida ya panagrigat tida para igina, makipagturay tida nad met igina. Ket no kunen tida nga madi tida em-emmu, kunen na nad met pe̍ nga di nactida em-emmu.

Santiyagu 1:1

Iyaken nge̍ Santiyagu nga isa nga agsirsirbi e̍ Apu Diyus se̍ e̍ Apu Je̍su Kristu. Itu yani ya surat ku dakayu nga kapututan dito sangapulu ket duwa nga anac nito Israe̍l, nga naiwaraswaras ka nadumaduma nga lugar iya lubung. Kablaawan nakayu.

Paltiing 19:9

Ket kinunen manin nito anghe̍l iyaken, “Isurat mu pe̍ yani: Nagasat ngarud diya maawis nga makipangan iya pakalun niya Urbun Karne̍ru,” kunen na. Se̍ kinunen manin nito anghe̍l iyaken, “Didi met diya napudnu nga kagi ne̍ Apu Diyus,” kunen na.

Paltiing 3:21

“Ket diya maibilang nga mangabac, e̍cdac da nad ka kalinteggan da nga makipagtugew iyaken iya trunuc, nga pagturayac. Ta iyaken pe̍ ya nangabac itun, ket ita, uwed dac kun nga makipagtugew nga makipagturay iya Amac iya trunu na.

Paltiing 4:4

Ket iya le̍cbut nito trunu manin, uwed pe̍ duwa nga pulu ket eppat nga sabali nga trunu. Ket uwed duwa nga pulu ket eppat nga panglakayen nga nakatugew kadito trunu. Nakakawwes da ka puraw, ket diya ulu da, nakabalangat ka balituc.