Lukas 22:26 - Ya Baru nga Tulag

²⁶ Ngem bekken kayu kuma nga agten iyan, ta ya maibilang nga kangrunaan dakayu, masapul nga agten kuma iya kababaan. Ket ya maibilang nga pangulu nu, masapul nga agten kuma iya agsirsirbi dakayu.

Lukas 22:26 Iomraidhean Croise

Matyu 20:26

Ngem no dakayu, bekken kuma nga agten iyan. Ta ya mayat nga maibilang nga nangatu dakayu, masapul nga agbalin nga agsirsirbi dakayu.

Markus 10:43

Ngem no dakayu, bekken kuma nga agten iyan. Ta ya mayat nga maibilang nga nangatu dakayu, masapul nga agbalin nga agsirsirbi dakayu.

Markus 9:35

Ket e̍ Je̍sus, nagtugew win, nga pinaadenni na dito sangapulu ket duwa nga adalan, se̍ na kinunen igida, “Ya mayat nga agbalin kuma nga kadayawan, ket masapul nga agbalin nga kanumuwan, se̍ ya agsirsirbi kadiya amin,” kunen na.

Lukas 9:48

Ket kinunen ne̍ Je̍sus kadito adalan na, “Ya mangrispitar idi nga ebbing gapu iyaken, iyaken met pe̍ ya rinispitar na. Ket ya mangrispitar iyaken, ya nangibon iyaken pe̍ yin ya rinispitar na. Ta ya kanumuwan dakayu nga amin, itu nga tutu ya kangrunaan iya imatang ne̍ Apu Diyus,” kunen na.

Ruma 12:2

Ket madi kayu paiturayan kadiya ugali diya bekken nga mamati idi nga lubung, no di lugud pabaruwen nu diya panpanunut nu. Agten iyan kuma ngarud, tasun maemmuwan nu ya tarigagay ne̍ Apu Diyus, nga itu diya banbanag nga napaw-is se̍ makaay-ayu igina, se̍ awan pagkurangan da.

1 Pe̍dru 5:3

Madi kayu pe̍ piliten diya naitalec dakayu, nga arig nga dakayu ya apu da, no di kuma lugud agbalin kayu kuma met nga pagulidanan da.

1 Pe̍dru 5:5

Ket dakayu nga naeb-ebbing nga lalaki, paiturayan kayu kuma kadiya lallakay. Se̍ dakayu nga amin, masapul nga napakumbaba kayu iya imatang niya tunggal isa dakayu. Ta laglagipen nu kuma ya kunen na iya Bibliya nga, “Kagura ne̍ Apu Diyus diya natangsit, ngem kaasiyan na diya napakumbaba,” kunen na.