Lukas 22:16 - Ya Baru nga Tulag

¹⁶ Ta pudnu met nga madi yac nad makisangu manin iya Padaya Nitatalib agingga nga di pekkem matungpal ya pudnu nga kaipapennan na nad iya panangituray ne̍ Apu Diyus,” kunen na.

Lukas 22:16 Iomraidhean Croise

Lukas 12:37

Ket maragsakan ngarud met diya tagabu, no madatngan niya amu da nga silulukag da. Ta pudnu met nga no agten iyan ya madatngan niya amu da, igina nga gennung ya agkawwes ka luput nga para wangel lin, nga arig nga tagabu, ket patugawen na diya tagabu na iya panganan. Ket igina mettasin ya agsirbi igidan.

Lukas 14:15

Ket ito nagicna niya isa kadito nakisangu e̍ Je̍sus yan nga kinagi na, kinunen na met e̍ Je̍sus, “Nagasat ngarud ya toley nga makisangu nga makipangan nad iya pagiturayan ne̍ Apu Diyus!” kunen na.

Lukas 22:15

Ket kinunen na igida, “Tinarigagayac nga unay, nga sacbay niya panagrigat ku, makisangu wac kuma pekkem dakayu idi nga pannangan nga panangilagip tida iya Nitatalib.

Lukas 22:18

Ta pudnu met nga manipud ita, madic uminum manin iya basi ubas, agingga nga agparang nad ya panangituray ne̍ Apu Diyus,” kunen na.

Lukas 22:30

Itu nga mabalin nu ya makisangu nad iyaken nga mangan iya pagturayac. Ket pagtugawen nakayu nad pe̍ nga mangipangulu kadiya kapututan dito sangapulu ket duwa nga anac nito Israe̍l.”

Juan 6:27

Ala! Gicnaen nu yani! Bekken kuma nga ya pagbiyag nga mapirdi ngas ya ikarigatan nu nga sapulen, no di lugud ya pagbiyag nga madi maamin, nga itu ya mange̍cde̍ ka agnanayun nga biyag. Ya Anac nga Naipatoley, igina mettas ya mangiyawat dakayu iyan nga pagbiyag. Ta nipasingen nin ne̍ Apu Diyus nga Ama nga uwed igina ya turay na,” kunen na.

Aramid 10:41

Nakisangu kami ngarud pe̍ igina nga nangan kalpasan nito panagungar na. Ngem bekken nga amin nga toley ya nakasingen e̍ Je̍sus itun, ta dito nakasingen igina, dakami ngas nga pinili ne̍ Apu Diyus nga mangipakaemmu iya pudnu maipanggep igina.

Paltiing 19:9

Ket kinunen manin nito anghe̍l iyaken, “Isurat mu pe̍ yani: Nagasat ngarud diya maawis nga makipangan iya pakalun niya Urbun Karne̍ru,” kunen na. Se̍ kinunen manin nito anghe̍l iyaken, “Didi met diya napudnu nga kagi ne̍ Apu Diyus,” kunen na.