Lukas 21:8 - Ya Baru nga Tulag

⁸ Ket kinunen ne̍ Je̍sus, “Agannad kayu ngarud, tasun madi kayu kuma paiyaw-awan maipanggep iyan nga timpu. Ta adu nad diya agparang nga agkunen nga igida kanu ya iyaken, nga kunen da nad nga, ‘Iyaken nge̍ Kristu!’ winno kunen da nga, ‘Dandani yin yan nga timpu!’ kunen da nad met. Ngem madi nu lugud suruten da.

Lukas 21:8 Iomraidhean Croise

Matyu 24:11

Se̍ adu nad diya agparang nga mangikasaba ka busid, ket adu nad met diya maallilaw da.

Matyu 3:2

nga kinunen na, “Masapul nga agbabawi kayu kadiya basbasul nu, ta dandani yin ya panangituray niya Nailangitan,” kunen na.

Matyu 4:17

Ket nanipud itun, rinugiyan ne̍ Je̍sus ya mangaskasaba, nga kinunen na iya panangasaba na, “Agbabawi kayu ngarudin, ta dandani mettin ya panangituray niya Nailangitan,” kunen na.

Lukas 17:23

“Ket uwed da nad agkunen dakayu nga, ‘Kad tuni! Ituni nin ya sapsapulen nu!’ Winno kunen da nad nga, ‘Kad yani! Itu yani nin ya sapsapulen nu!’ kunen da nad dakayu. Ngem madi nu da kuma ikasu, se̍ di nu da met suruten.

Lukas 21:7

Ket kinunen da e̍ Je̍sus, “Mistru, nungey nad nga madatngan yan nga timpu nga kinunem? Se̍ nagan nad ya pakalasinan nga dandani nga mapasamac yanin?” kunen da.

Lukas 21:9

Se̍ madi kayu agansing nad no magicna nu ya uni diya panaggubat se̍ panaggulu, ta masapul ngarud met nga mon-ona nga mapasamac diyan. Ngem di na met kayat nga kagiyen nga denni yin ya panungpalan,” kunen na.

Juan 5:43

Tutu met yan, ta orey inumbe̍t tac gapu mettas iya kinaturay niya Amac, ket pulus met nga madi dac inawat. Ngem no uwed kuma sabali nga agparang nga gennung, se̍ orey no ya mismu nga kinaturay na ngas ya mangipanecnec iya beggi na, ket nalaka nu was met nga awaten nin.

Juan 8:24

Itu ya gapu na nga kinunec dakayu nga matey kayu was nad nga maukum gapu kadiya basbasul nu. Ta no madi kayu mamati nga iyaken ya uwed nga sigud, maukum kayu nad ngarud gapu kadiya basbasul nu,” kunen na.

Juan 8:28

Dikad pe̍ kinunen manin ne̍ Je̍sus igida, “No maibayug nu nad ya Anac nga Naipatoley, maemmuwan nu nad mettasin nga iyaken ya uwed nga sigud. Ket maemmuwan nu pe̍ yin nga awan wanglec nga kabucbukudac, no di lugud kagkagiyec ngas ya nisuru niya Ama iyaken.

1 Kurintu 6:9

Arig nga madi nu pekkem patiyen nga diya bekken nga nalinteg, madi da met makipagtawid iya panangiraman ne̍ Apu Diyus igida kadiya iturayan na. Masapul nga madi kayu ngarud maallilaw maipanggep idi. Ta ya kinapudnu na, diya toley nga makikamalala, se̍ diya agtungpal kadiya didiyusen, se̍ diya makitipun ka bekken da nga asawa, se̍ diya agtungpal kadiya ricricna niya kinalalaki winno kinababey da, agten pe̍ kadiya bacyen,

E̍pe̍su 5:6

Ket madi kayu ngarud ipalubus nga masikapan kayu kadiya toley nga awan mamaay niya panagkagkagi da maipanggep kadidi nga kinadake̍c. Ta ya kinapudnu na, gapu kadidi nga kinadake̍c, madusa ngarud diya agsukir e̍ Apu Diyus, nga lak-amen da ya unget na.

2 Te̍salunika 2:3

Madi kayu ipalubus nga allilawen nakayu ya orey nagan na nga toley gapu iya kagiyen na. Ta ya kinapudnu na, uwed mona nad pekkem nga panangkuntra diya kaaduwan e̍ Apu Diyus. Ket agparang pe̍ nga mona pekkem ya Managsucsukir nga toley. Ngem awan sabali nad nga pagpatinggaan na, no di ngas ya pakapukawan na.

2 Timutyu 3:13

Ket diya paiturayan ka dake̍c, ad-adda nad met nga dumake̍c da. Ket se̍ diya mangal-allilaw, ket kumarkaru nad met pe̍ ya panangallilaw da kadiya toley. Ngem igida ngas met ya maallilaw nga tutu.

1 Juan 4:1

Patpatgec nga kakabsat, madi kayu kuma patiyen diya amin nga agkunen nga uwed kanu igida ya Ispiritu ne̍ Apu Diyus. Emmuwen nu kuma nga mona no pudnu nga gayat e̍ Apu Diyus ya panpanunut da, ta adu win diya mangaskasaba ka busid iya amin nga lubungin.

2 Juan 1:7

Ipalagip ku dakayu diyan, ta adu diya mangallilaw nga agpaspasyar kadiya nadumaduma nga il-ili iya lubung. Madi da umannamung iya panursuru nga e̍ Je̍su Kristu ya naipatoley nga nibon ne̍ Apu Diyus. Diya agten iyan nga toley, igida diya mangallilaw kadiya toltoley, se̍ igida pe̍ diya kumuntra e̍ Kristu.

Paltiing 1:3

Ket nagasat ngarud ya mangibasa idi nga naisurat nga paltiing. Nagasat ngarud met diya dumngeg se̍ mangipangag kadiya naisurat idi nga surat, ata dandani yin ya timpu nga pannakatungpal didi.

Paltiing 12:9

Ket to dackel nga dragun, naidegsut ngarud manipud ka langitin. Ngarud, igina yan to sinan-malaga itun pekkem, se̍ ya maawagan ka diyablu nga itu nge̍ Satanas. Igina met ya mangal-allilaw kadiya toltoley iya amin nga lubung. Naidegsut ngarud iya ginet tin, ket naidegsut pe̍ yin dito anghe̍le̍s na.