Lukas 21:36 - Ya Baru nga Tulag

³⁶ Itu nga sisasagana kayu kuma ngarud nga pe̍yeng, se̍ agkararag kayu nga agadeng ka bileg nu, tasun malasat nu amin didi nga umbe̍t nga pakarigatan, se̍ tasun sitatalged kayu nga makisangu nad iya Anac nga Naipatoley,” kunen na.

Lukas 21:36 Iomraidhean Croise

Matyu 24:42

“Dikad pe̍ no dakayu, sisasagana kayu kuma pe̍ nga pe̍yeng, ta di kayu nga emmu ya algew niya umbe̍t nad niya Apu nu.

Matyu 24:43

Ket panunuten nu kuma pe̍ yani: No naemmuwan kuma niya makin-kuwa iya isa nga baley no nungey iya gabi nga umbe̍t ya mannanakew, nagsulap ngarud nga sisasagana. Ket madi na nipalubus nga tinakawan nito mannanakew ya baley na.

Matyu 24:44

Ket agten kayu pe̍ iyan, nga masapul nga sisasagana kayu. Ta ya Anac nga Naipatoley, umbe̍t nad pe̍ iya bekken nu nga pagpagarupen nga uras.”

Matyu 25:13

“Itu nga kunec dakayu ita,” kunen ne̍ Je̍sus, “nga sisasagana kayu kuma ngarud nga pe̍yeng. Ta madi kayu emmu ya algew winno ya uras niya umbe̍t na.”

Matyu 26:41

Agsulap kayu ngarudin nga agkarkararag, tasun madi kayu kuma nga masulisug. Ta orey sipapasnec ya panpanunut niya toley, ket sikakapsut pekkem ya kabaellan niya beggi na,” kunen na.

Matyu 8:20

Ket kinunen ne̍ Je̍sus igina, “Utubem man yani: No diya musang, uwed pagedyanan da nga re̍kab. Ket se̍ diya sibsibud, uwed pe̍ sucbut da. Ngem ya Anac nga Naipatoley, awan met nga gennung pagedyanan na tasun uwed kustu nga pagidaan na,” kunen na.

Markus 13:33

Agannad kayu ngarud, ket sisasagana kayu kuma nga pe̍yeng, ta di kayu emmu no nungey nga agparang yan nga timpu.

Markus 13:37

“Ket ibagac dakayu ya gabay ku met pe̍ nga ibaga kadiya amin nga toltoley, ket agten idi: Sisasagana kayu kuma!” kunen na.

Lukas 1:19

Ket kinunen nito anghe̍l, “Iyaken nge̍ Gabriye̍l nga agsirsirbi iya imatang ne̍ Apu Diyus. Naibon nac met tasun makitbar rac ikew, nga ibagac ikew yani nga damag nga makaparagsac.

Lukas 18:1

Ket nagpangngarig manin nge̍ Je̍sus kadito adalan na, ta suruwan na da nga agkararag da kuma nga pe̍yeng, nga madi da kuma nga makumsa.

Lukas 20:35

Ngem diya ibilang ne̍ Apu Diyus nga maikari nga aglak-am iya maadpangan nga timpu se̍ iya panagungar, madi da nad met mangasawa winno makiasawa ngin.

Lukas 21:35

Ta arig nga pannakabkas niya ebbog niya ilug ya panagparang niyan nad nga timpu kadiya amin nga toltoley iya orey awac nga lugar da iya sap-ew niya ginet ti.

Aramid 10:2

Ket orey bekken nga Hudyu nge̍ Kurne̍lyu, igina se̍ diya kabbalay na, managdayaw da met pe̍ e̍ Apu Diyus. Nakaasi pe̍ nga unay kadiya Hudyu nga napanglaw, se̍ managkararag pe̍ e̍ Apu Diyus.

1 Kurintu 16:13

Pe̍yeng kayu kuma nga nasalukag, se̍ madi kayu pagbalbaliwen ya nabaked nga panamati nu. Natured kayu kuma, se̍ nabileg kuma pe̍ ya panpanunut nu.

2 Kurintu 4:14

Ta emmu mi met nga e̍ Apu Diyus nga nangpaungar e̍ Apu Je̍sus, igina met pe̍ ya mangpaungar nad dactida, gapu iya pannakairaman tida e̍ Je̍sus. Ket dakami se̍ dakayu, iyadenni nactida nad nge̍ Apu Diyus igina mettas.

Kulusas 4:2

Ket no maipanggep iya panagkararag, puminget kayu kuma nga sipapasnec se̍ siiiyaman nga pe̍yeng.

1 Te̍salunika 5:17

Se̍ sikakararag kayu pe̍ nga pe̍yeng.

2 Timutyu 4:5

Ngem ikew, sipupuut ka kuma ngarud maipanggep iya orey nagan na. Anusam mas diya pakarigatam. Tungpalem ngarud to gagaram nga mangipakaemmu iya Makaparagsac nga Damag. Ngarud, tungpalem ya amin nga rebbeng mu iya panagsirsirbim e̍ Apu Diyus.

1 Pe̍dru 4:7

Dandani met aggibus ya aminin, dikad pe̍ nanakem se̍ natanang kayu kuma nga managkararag.

1 Pe̍dru 5:8

Agtanang kayu se̍ agsalsalukag kayu kuma pe̍. Ta ya kakuntra nu nga diyablu, arig nga di makatalna nga liyun nga ngumerngernger nga agsapsapul ka kanen na.

1 Juan 2:28

Ket itan, an-anac ku, silalagip kayu kuma ngarud e̍ Je̍su Kristu, tasun nad no agparang manin, sinanama tida kuma. Ket iya agten iyan, madi tida nad malyew iya imatang na no umbe̍tin.

Hudas 1:24

Ket itan, laglagipen tida kuma nga pe̍yeng nge̍ Apu Diyus. Igina met ya uwed kabaellan na nga mangaywan dakayu tasun madi kayu maiturung ka pakabasulan. Se̍ igina pe̍ ya uwed kabaellan na nga mangidateng dakayu nad nga sidadalusin se̍ siraragsac kin iya sangu na, nga itu ya edyan nga pakasingnan iya kinadayaw na.

Paltiing 11:4

Ket didi nga duwa nga maibon, igida nad diya pakaiyarigan dito duwa nga kayu nga ulibu, se̍ dito duwa nga dilag. Ket agsisikad da iya sangu niya Apu, nga igina ya mangituray kadiya amin nga uwed iya lubung.

Paltiing 6:17

Ta nadatngan ngarudin ya agdindinamag nga timpu niya panangukum da, ket awan met makalasat iyanin!” kunen da.

Paltiing 7:9

Ket kalpasan niyan, pinumsekkac manin, ket uwed nasingec nga nakad-adu nga toley nga naurnung. Ket gapu ta adu da nga unay, awan met toley nga makabael nga mangbilang igida. Naggayat dito toltoley kadiya amin nga nasyun, kapututan, pagiliyan se̍ pagkakagi. Ket agsisikad da iya sangu nito trunu se̍ to Urbun Karne̍ru. Nakakawwes da ka puraw nga sutana, se̍ agik-ikem da ka bain.

Paltiing 8:2

Ket itun, uwed nasingec nga pitu nga anghe̍le̍s, nga igida diya anghe̍le̍s nga nakasisikad iya sangu ne̍ Apu Diyus. Ket nae̍cdan da ka sagge̍sa da nga tangguyub.