Lukas 21:28 - Ya Baru nga Tulag

²⁸ Ket nad no mangrugi didi nga mapasamac, sitatalged kayu ngarud nga agsikad, ket lumangad kayu nga sinanama ngin, ta maemmuwan nu nad nga dandani yin ya pannakawayawaya nu,” kunen na.

Lukas 21:28 Iomraidhean Croise

Ruma 8:23

Ket bekken nas nga dito duduma nga naparsuwa diya agrigrigat. Ta dactida met pe̍, ket maparparigat tida iya panagpanunut tida. Ta dactida met diya naipaayan iya Ispiritu Santu, nga itu ya mangpatalged dactida ita iya nabaru nga tawiden tida nad mettas. Maparparigat tida ngarud ita, bayat niya panangpadpadaan tida iya timpu nga panangipanecnec ne̍ Apu Diyus nga tutu nga anac nactidan. Ket itu nad ya pannakawayawaya diya beggi tida, nga maipac kin ya kinatoley tida.

E̍pe̍su 4:30

Ket se̍ madi nu kuma ngarud paldaangan ya Ispiritu Santu. Igina mettas ya Ispiritu ne̍ Apu Diyus nga arig nga marka nga mangpatalged dakayu maipanggep iya timpu nad nga panangipawayawaya ne̍ Apu Diyus dakayu.

Ruma 8:19

Ta sisasagana ngin ya amin nga parsuwa ne̍ Apu Diyus, nga arig nga agpadpadaan da pe̍ iya panangiparangarang ne̍ Apu Diyus kadiya an-anac na.

Lukas 18:7

Ket no e̍ Apu Diyus, di na ngarud pe̍ aya tulungan diya pinili na nga toley na, nga umaw-awag nga pe̍yeng igina orey algew se̍ gabi maipanggep iya pruble̍ma da? Ngarud, madi na met tactaken ya mangipakaemmu iya kinalinteg da.

E̍pe̍su 1:14

Ket ya Ispiritu Santu, igina ya mangpatalged iya tawiden tida e̍ Apu Diyus, nga patalgeddan na ngarud ya panangpawayawaya ne̍ Apu Diyus dactida nga toley na. Ket gapu iyan nga inariman ne̍ Apu Diyus, agpaay tidan iya pakaidayawan na maigapu iya kinadayag na.

Lukas 13:11

Ket uwed isa nga babey iyan, nga sangapulu ket walu nga dagunin nga uwed kumkumpet nga mangpasakit igina. Ket to kumkumpet, pinagbalin na nga kubbu to babey, ket pulus nga madi makasikad ka natunung.

Lukas 21:29

Ket nagpangngarig manin nge̍ Je̍sus, nga kinunen na igida, “Panunuten nu kuma ya gangey niya kayu nga igus, se̍ diya duduma pe̍ nga kayu.