Lukas 21:19 - Ya Baru nga Tulag

¹⁹ Ket gapu iya panangitured nu kadiyan nga rigrigat, maisalakan nu nad ya biyag nu.”

Lukas 21:19 Iomraidhean Croise

Matyu 10:22

Ket no dakayu, kagura dakayu nad diya amin nga toltoley gapu mettas iya pannakitipun nu iyaken. Ngem maisalakan met diya mangitured kadiya agten kadiyan agingga nga di da pekkem malabes.

Matyu 24:13

Ngem maisalakan nad met ya makaitured kadiyan agingga iya panagpatingga da.

Lukas 8:15

Ket dito bukel nga nagdessag iya napaw-is nga ginet, itu diya maiyarig kadiya toley nga makagicna pe̍ iya kagi ne̍ Apu Diyus, ket napudnu se̍ nadalus met ya nakem da no magicna da, ket agtalec da ngarud. Naanus da, ket agbanag ka nabaru ya panamati da,” kunen na.

Ruma 15:4

Ket emmu tida nga amin nga naisurat itun pekkem iya Bibliya, ket maipaay da ngarud iya pakaadalan tida, nga mangpabileg iya namnama tida e̍ Apu Diyus. Ta gapu iya banag diya naisurat iya Bibliya, situtured tida nga aganus, se̍ maliwliwa tida pe̍.

Ruma 2:7

Agten idi ya pananggun-guna na kadiya toley: Uwed da toley nga siaanus nga agwangwangel ka nabaru, gapu ta ipateg da ya panangpadayaw se̍ panangparaem ne̍ Apu Diyus igida, se̍ ya awan patingga na nga biyag nga ipaay na. Ket didi nga toley met diya pangipaayan nad ne̍ Apu Diyus iya biyag nga agnanayun.

Ruma 5:3

Ket bekken nas nga iyan, ta agragsac tida met pe̍ maipanggep kadiya rigrigat tida, ta emmu tida nga maadal tida ya panaganus gapu kadiya rigrigat tida.

Ruma 5:4

Ket ya panaganus, agbanag ka nabaru nga kananakem. Ket ya nabaru nga kananakem, agbanag ngarud ka panagnamnama.

Ruma 8:25

Ngem no madi pekkem madatngan ya namnamaen tida, padaanan tida nga siaanus.

1 Te̍salunika 1:3

Ta iya imatang ne̍ Apu Diyus nga Diyus se̍ Ama tida, pe̍yeng nga laglagipen mi diya nabaru nga wangwanglen nu gapu iya panamati nu, se̍ ya kinagaget nu gapu iya panagayat nu se̍ ya kinabaked niya namnama nu iya Apu tida nga Je̍su Kristu.

2 Te̍salunika 3:5

Sapay kuma ta ya Apu, itarus na diya nakem nu iya panagayat ne̍ Apu Diyus se̍ iya panaganus nga ipaay mettas ne̍ Kristu dakayu.

He̍briyu 10:36

Masapul nu ngarud ya agten iyan nga panaganus, tasun nad no naariman nun ya tartarigagayan ne̍ Apu Diyus, ket maalac nu ngarudin to nikari na.

He̍briyu 6:11

Ket ya gabay mi, ket agpasnec kuma ya tunggal isa dakayu iya panangpabileg nu iya panamati nu, nga agten mettas iya panagipasnec nu iya panangtulung nu kadiya kapada nu. Agten iyan kuma ya wanglen nu, tasun agingga iya panungpalan, awan pagkurangan niya kinatalged nu gapu iya namnama nu e̍ Apu Diyus.

He̍briyu 6:15

Ket iya agten iyan, nagun-ud ngarud nito Abraham itun to nikari ne̍ Apu Diyus igina, gapu ta sinanama nga nagan-anus.

Santiyagu 1:3

Ta emmu nu nga no anusan nu ya amin diyan nga pakapadasan iya panamati nu e̍ Apu Diyus, lumaing kayu met iya kabaellan nu nga aganus.

Santiyagu 1:4

Ket aganus kayu kuma nga pe̍yeng, tasun napaw-is ya panagbiyag nu, se̍ tasun naan-anay kayu kadiya amin nga panagibtur nu, nga awan pagkurangan nu kadidi nin.

2 Pe̍dru 1:6

Ket iya pannakaemmu nu, iraman nu kuma pe̍ ya panagtimbeng iya beggi nu. Ket iya panagtimbeng nu, iraman nu kuma ya panaganus. Se̍ iya panaganus nu, iraman nu kuma ya panagtungpal kadiya makaay-ayu e̍ Apu Diyus.

Paltiing 1:9

Iyaken nga Juan nga kabsat nu ka pammati, ket gapu iya pannakaitipun tida e̍ Je̍sus, kabulun dac met iya panagsagaba gapu igina, se̍ iya pannakairaman kadiya iturayan na, se̍ iya panaganus nga sinanama gapu igina. Ket gapu iya panangikasabac iya kagi ne̍ Apu Diyus, se̍ gapu iya panangipakaemmu ne̍ Je̍sus, uwed dac itun iya puru nga maawagan ka Patmus.

Paltiing 13:10

Diya makadateng iya pannakaipanaw da gapu kadiya manggura igida, ket tutu met nga maipanaw da ngas met. Se̍ diya makadateng met iya pannakatey da gapu kadiya mangispada igida, ket tutu met nga matey da ngas ka ispada. Itu nga masapul nga bumileg diya toltoley ne̍ Apu Diyus iya panaganus se̍ panamati da.

Paltiing 14:12

Itu ya gapu na nga masapul nga aganus nga pe̍yeng diya toley ne̍ Apu Diyus, nga itu diya agtungtungpal kadiya bilbilin na se̍ ya pammati da e̍ Je̍sus.

Paltiing 3:10

Ket no maipanggep ikew, gapu ta nipangag mu to nibagbagac ikew nga aganus ka kuma, ket isalakan naka nad met iya timpu niya panagrigrigat nga umbe̍t nad iya amin nga lubung tasun masigir diya toltoley iya lubung.