Lukas 21:17 - Ya Baru nga Tulag

¹⁷ Ngarud, gapu mettas iyaken, guraen dakayu nad diya amin nga toltoley.

Lukas 21:17 Iomraidhean Croise

Matyu 10:22

Ket no dakayu, kagura dakayu nad diya amin nga toltoley gapu mettas iya pannakitipun nu iyaken. Ngem maisalakan met diya mangitured kadiya agten kadiyan agingga nga di da pekkem malabes.

Matyu 24:9

“Ket iyan nad nga timpu, iyawat dakayu kadiya mangirurumen dakayu. Ket uwed nad pe̍ dakayu diya mapatpatey. Ket guraen dakayu ngarud nad diya toltoley kadiya amin nga pagiliyan, gapu mettas iyaken.

Matyu 5:11

“Dakayu nga maumsi winno mairurumen, winno mapadpadake̍c ka kumpurmi gapu iya panagtungpal nu iyaken, ket maibilang kayu met nga nagasat.

Markus 13:13

Ket dakayu, guraen dakayu nad pe̍ diya amin nga toltoley, gapu mettas iyaken. Ngem maisalakan nad met ya makaitured kadiyan agingga iya panagpatingga da.”

Lukas 21:16

“Ket orey diya naganac dakayu, diya kakabsat nu, diya kakabagiyan nu, se̍ diya gagayyem nu, igida mettas diya mangiyawat nad dakayu. Ket patayen da nad diya duduma dakayu.

Lukas 21:18

Ngem orey agten iyan, awan nad orey isa dakayu nga mapukaw. Ngarud, awan met orey isa ngas nga ebbuc iya ulu nu nga mapukaw.

Lukas 6:22

“Nagasat kayu met, orey no guraen dakayu diya toltoley, se̍ no isina dakayu winno amisen dakayu, winno umsiyen da ya kinaturay nu, gapu mettas iya panamati nu iya Anac nga Naipatoley.

Juan 15:19

No kamkameng nu da kuma, magustuwan da kayu ngarud, ta maibilang kayu ngamin nga kamkameng da. Ngem gapu ta pinili nakayu iyaken nga maidumduma kadiya madi mamati nga uwed idi nga lubung, bekken kayu ngarud nga ilubungin. Itu nga kagura nakayu diya uwed iya lubung.

Juan 15:21

Ngarud, gapu ta toley nakayu, arimanen da nad ngarud diyan nga pakarigatan nu, ta madi da met em-emmu ya nangibon iyaken.

Juan 17:14

Nipakaemmuc igida ya kagi mun. Ket diya bekken nga mamati nga uwed idi nga lubung, ginura da met didi nga mamati. Ta didi nga mamati, agten da mettas iyaken, nga bekken da pe̍ nga kamkameng diya uwed iya lubung ngi.

Juan 7:7

Bekken kayu nga magura kadiya toltoley idi nga lubung. Ngem no iyaken, guraen dac met, gapu ta ipacpakaemmuc nga dake̍c diya wangwangel da.

Aramid 9:16

Ket ipakaemmuc nad pe̍ igina diya napalaus nga rigrigat nga mapasamac nad igina gapu iya panagsirbi na iyaken,” kunen niya Apu e̍ Ananyas.

2 Kurintu 12:10

Ket iya agten iyan, gapu iya panagsirsirbic e̍ Kristu, pakaragsakac ngas met diya pagkapsutac, se̍ diya pakaiyal-alyewwac se̍ diya pakarigrigatac se̍ pakairurumnac se̍ diya pagladladingitac. Ta emmuc nga ya pagkapsutac, ket itu met yan ya pakapabilgac.

2 Kurintu 4:11

Ta bayat mi nga agbibiyag pekkem, pe̍yeng nga maipusta diya beggi mi ka pannakatey, gapu iya panagsirbi mi e̍ Je̍sus. Ket maipalubus diyan tasun masingen kuma kadiya uwed pannakatey na nga beggi mi ya pannakabalin niya biyag ne̍ Je̍sus.

2 Kurintu 4:5

Ket ya ikaskasaba mi, bekken met nga maipanggep iya kinadayaw mi, no di lugud maipanggep iya kinaApu ne̍ Je̍su Kristu. Ket dakami, agsirsirbi kami dakayu gapu e̍ Je̍sus.

Pilipus 1:29

Agten iyan ngarud, ta no dakayu, naikaasi met dakayu yan nga gundaway nu nga maigapu e̍ Kristu. Ket idi nga gundaway nu, bekken nas nga ya panamati nu igina ya panggep na, no di lugud ya panangitured nu pe̍ ka rigat nga maigapu igina.

1 Pe̍dru 4:14

Ket no mauyaw kayu gapu iya panamati nu e̍ Kristu, maragsakan kayu latta. Ta aged-edyan met dakayun ya Ispiritu nga pagtaudan niya dayaw, nga itu ya Ispiritu ne̍ Apu Diyus.

Paltiing 2:3

Ket emmuc met pe̍ nga naanus ka, ta itured mu ya agrigat gapu iya panagsirsirbim iyaken, ket di ka pe̍ nakumsa.