Lukas 21:10 - Ya Baru nga Tulag

¹⁰ Ket kinunen pe̍ ne̍ Je̍sus, “Aggiginnubat nad met diya pagpagiliyan, agten met pe̍ diya pagpagariyan.

Lukas 21:10 Iomraidhean Croise

Markus 13:8

Tutu met yan, ta aggiginnubat nad met diya pagpagiliyan, agten met pe̍ diya pagpagariyan. Uwed nad met pe̍ yegyeg kadiya nadumaduma nga lugar, se̍ uwed nad pe̍ panagbisin. Ngem diyan nad nga mapasamac, damu na pekkem mas, nga arig nga panangrugi ngas niya panagpakiskis niya aganac.

Lukas 21:11

Uwed da nad met pe̍ nabileg nga yegyeg, se̍ uwed da nad pe̍ panagbisin se̍ makaalis nga sakit kadiya nadumaduma nga lugar. Ket iya abac lawa, uwed nad diya agparang nga nakan-ansing nga banag se̍ nakaskasdaaw nga pagilasinan.

Lukas 21:9

Se̍ madi kayu agansing nad no magicna nu ya uni diya panaggubat se̍ panaggulu, ta masapul ngarud met nga mon-ona nga mapasamac diyan. Ngem di na met kayat nga kagiyen nga denni yin ya panungpalan,” kunen na.

Aramid 11:28

Agabu ya nagan niya isa igida. Ket nipakaemmu na nga uwed nad dackel nga panagbisin nga umbe̍t iya amin nga lubung, ta itu to nipaikagi niya Ispiritu Santu igina. Ket napatutuwan met yan nga panagbisin ito panagari ne̍ Klawdiyu ka Ruma.

He̍briyu 12:27

Ket iyan nga kunen na nga pe̍dwaen na kanu pekkem, ipakaemmu na ngarud dactida nga mayegyeg nad nga mapukaw diya naparsuwa nga banbanag, tasun diya nabaked nga madi mayegyeg winno mapukaw, didi ngas nad met diya mabati.