Lukas 20:5 - Ya Baru nga Tulag

⁵ Ket igida, nagsisinnaludsud da ngarudin, nga kinunen da, “Nagan ngarud ya isungbat tidan? Ta no kunen tida nga gayat e̍ Apu Diyus, kunen na nad met nga, ‘No agten iyan, ape̍ ngarud nga madi kayu namati ito Juan?’ kunen na nad met.

Lukas 20:5 Iomraidhean Croise

Matyu 16:7

Ket nagtetebbaran ngarud dito adalan to kinagi ne̍ Je̍sus maipanggep iya pangpablad, ket kinunen da, “Ay! Awan ngamin balun tida nga tinapay,” kunen da.

Matyu 21:25

Ket agten idi: To Juan nga Mammautisar, awac ngarud ya naggayatan nito turay na nga mamacbautisar itun? Gayat kad e̍ Apu Diyus, winno ka toley?” kunen na. Ket igida, nagdidinniskutir da ngarudin, nga kinunen da, “Nagan ngarud ya isungbat tidan? Ta no kunen tida nga gayat e̍ Apu Diyus, kunen na nad met nga, ‘No agten iyan, ape̍ ngarud nga madi kayu namati ito Juan?’ kunen na nad met.

Lukas 20:4

To Juan nga Mammautisar, awac ngarud ya naggayatan nito turay na nga mamacbautisar itun? Gayat e̍ Apu Diyus, winno ka toley?” kunen na.

Lukas 20:6

Ngem no kunen tida nga gayat ngas ka toley, ket batuwen nactida ngarud nga patayen diya toltoley, ta patiyen da met nga isa nga mammadtu ne̍ Apu Diyus to Juan,” kunen da.

Juan 1:30

Itu yani to kagkagiyec ito kinunec nga uwed sumarsarunu iyaken nga isa nga toley nga nadaydayaw ngem iyaken. Ta orey ito madic pekkem naiyanac, uwed met nga sigudin, kunec itun.

Juan 1:34

Ket tutu met, ata nasingec ngarud yanin, ket itu nga panecnekkac dakayu nga igina met ya Anac ne̍ Apu Diyus,” kunen na.

Juan 3:26

Dikad pe̍ dito adalan ne̍ Juan, nawe̍ da ngarud nagsaludsud igina nga kinunen da, “Mistru, malagip mu to toley nga nipakaemmum dakami itun nga nakibulun ikew enna demmang niya wangag Hordan itun? Ket mamacbautisar kanu met pe̍ yin ita, ket maw-awe̍ kanu igina diya amin nga toltoley!” kunen da.

Juan 3:36

Dikad pe̍ diya mamati iya Anac, uwed igidan ya biyag nga agnanayun. Ngem diya madi agtungpal iya Anac, madi da aglak-am iyan nga biyag, no di lugud uwed igida ya panangukum ne̍ Apu Diyus.

Aramid 13:25

Ket ito nganngani malpas to gagara nito Juan, agten idi to kinunen na kadiya toley: ‘Garup nu kid no iyaken ya nibon ne̍ Apu Diyus nga umbe̍t mangisalakan dakayu, ngem bekken met. Ta uwed met umbe̍t nga mod-odi ngem iyaken, ket itu nad yanin. Iyaken, madi yac met maikari orey no mangukas ngas kadiya palloka na,’ kunen nito Juan itun.