Lukas 20:47 - Ya Baru nga Tulag

⁴⁷ Agawen da met pe̍ diya baley diya balbalu nga babey, se̍ da met agkarkararag ka mabayag, ta panglinged da diya karkararag da kadiya wangwangel da nga dake̍c. Ngem nadagsen nad ngarud ya dusa diyan nga toley.”

Lukas 20:47 Iomraidhean Croise

Matyu 23:13

“Ngem dakayu nga manursuru iya Linteg se̍ dakayu nga Parisiyu, kackaasi kayu nad ngarud, dakayu nga managinlilinteg! Ta ya kinapudnu na, dakayu met ya mangtiped kadiya toltoley iya dalan nga agturung iya panangituray niya Nailangitan. Ta dakayu, madi kayu met gabay ya aglak-am iya panangituray na, ket iparit nu met pe̍ diya duduma nga mayat nga aglak-am.

Matyu 23:14

[“Kackaasi kayu nad ngarud, dakayu nga manursuru iya Linteg se̍ dakayu nga Parisiyu, dakayu nga managinlilinteg! Ta agawen nu met diya baley diya balbalu nga babey, se̍ kayu met agkarkararag ka mabayag, ta panglinged nu diya karkararag nu kadiya wangwangel nu nga dake̍c. Dikad pe̍ nadagsen nad ngarud ya dusa nu.]

Markus 12:40

Agawen da met diya baley diya balbalu nga babey, se̍ da met agkarkararag ka mabayag, ta panglinged da diya karkararag da kadiya wangwangel da nga dake̍c. Ngem nadagsen nad ngarud ya dusa diyan nga toley,” kunen na.

Lukas 12:1

Ket itun, rinibu met diya toltoley nga naur-urnung, ket naggiginnudel da mettin ka sacsaka da gapu iya kaadu da. Ket iya imatang didi nga toltoley, nagkagi nge̍ Je̍sus itun, nangruna kadito adalan na, nga kinunen na, “Annadan nu ngarud ya panaginnanacman diya Parisiyu, nga maiyarig ka pangpablad nga uwed igida.

Lukas 20:46

“Annadan nu ngarud diya manursuru iya Linteg. Magustuwan da ya agpaspasyar nga nakasutana, se̍ magustuwan da met ya makabkablaawan nga sidadayaw no uwed da iya tindaan. Paggugustu da met pe̍ ya agtugew kadiya kadayawan nga tugtugew iya gigimungan, se̍ ya kangrunaan nga pagtugawan kadiya padaya.

Lukas 21:1

Ket itun, limanga nge̍ Je̍sus, ket nasingen na diya babacnang nga mangipay ka tulung da iya pipisukan ka kuwarta iya Te̍mplu.

1 Te̍salunika 2:5

Pageemmu nu met pe̍ nga madi kami nangos-osog dakayu itun ka napaw-is nga panagdayaw mi dakayu. Awan pe̍ kinaagum dakami nga lininglingdan mi. E̍ Apu Diyus met ya makapanecnec iya kinapudnu diyan.

Titu 1:16

Em-emmu da kanu nge̍ Apu Diyus, ngem masingen tida iya wangwanglen da nga baybay-an da met. Makapaaryec ngarud diyan, se̍ managsukir da met pe̍. Itu nga awan mawangel dan nga maibilang nga nabaru.

Santiyagu 3:1

Dakayu nga kakabsat ku, madi kayu kuma nga tarigagayan ya agbalin nga manursuru maipanggep iya Bibliya. Ta emmu nu nga dacdackel ya maipabasul dakami nga manursuru no mairradu kami ngem kadiya duduma.