Lukas 20:36 - Ya Baru nga Tulag

³⁶ Agten nad ngarud iyan, ta pulus nga madi da nad matey yin, gapu ta agten da nad kadiya anghe̍le̍s, se̍ gapu ta an-anac ne̍ Apu Diyus dan, nga tinawid da met ya panagungar dan.

Lukas 20:36 Iomraidhean Croise

Matyu 22:30

Ta ya kinapudnu na, no panagungar nad diya natey, madi da nad met mangasawa winno makiasawa ngin, no di lugud agten da nad met kadiya anghe̍le̍s enna langitin.

Markus 12:25

Ta ya kinapudnu na, ket nad no agungar diya natey, madi da nad met mangasawa winno makiasawa ngin, no di lugud agten da kadiya anghe̍le̍s enna langitin.

Ruma 8:16

Ket no agten iyan ya awag tida e̍ Apu Diyusin, itu ngarudin ya panangpanecnec niya Ispiritu ne̍ Apu Diyus iya lemlemmet tida nga mangipakaemmu nga anac nactida ngarud nge̍ Apu Diyusin.

1 Kurintu 15:26

Ket ya kaodiyan nga abaken na, ket itu ya pannakabalin niya patey.

1 Kurintu 15:42

Ket agten pe̍ iyan ya pannakapagungar diya natey nga toley. Ta ya beggi nga maitamen iya ginet, maropsa ngas met. Ngem nad no mapagungar, uwed beggi na nga madi maropsa ngin.

1 Kurintu 15:49

Ket ya gangey tida ita, agten mettas ito nona nga toley nga nagtaud iya ginet. Ngem masukatan nad mettas, tasun agten mettas ito toley nga nagtaud ka langit ya gangey tida.

Pilipus 3:21

Ket igina met ya mangbaliw nad kadiya kackaasi nga beggi tida. Pagbalinen na da nad nga agten mettas iya napadayaw nga beggi na ita. Ket ya pannakabalin nga usaren na nad iya panangbaliw na dactida, ket itu ya agten mettas nga pannakabalin nga usaren na tasun pagbalinen na nga agpaituray igina diya amin.

Paltiing 20:6

Nagasat se̍ nadayaw ngarud iya imatang ne̍ Apu Diyus diya mairaman idi nga mona nga panagungar. Ta awan pannakabalin niya maikadduwa nga pannakatey igida, no di lugud agbalin da met nga agsirsirbi e̍ Apu Diyus se̍ e̍ Kristu, ket makipagturay da igina ka sangaribu nga dagun.

Paltiing 21:4

Ket liwliwaen na da nad nga punasen na diya amin nga luwa da. Awan nad matey yin, winno agladingitin. Awan nad pe̍ agberritin winno agrigatin, gapu ta nakabas mettin dito daan nga banbanag,” kunen na.

Paltiing 22:9

Ngem kinunen na iyaken, “Bay-am yan! Ta isa ngac ngas met nga agsirsirbi e̍ Apu Diyus, nga agten mettas ikew se̍ dito kakabsat mu nga mammadtu se̍ diya amin nga agtungpal kadiya nisurat mu iyan nga libru. E̍ Apu Diyus ngas met ya pagdayawam!” kunen na.