Lukas 20:25 - Ya Baru nga Tulag

²⁵ Ket kinunen da, “E̍ Ari Se̍sar, a,” kunen da. Ket kinunen ne̍ Je̍sus igida, “Dikad pe̍ no diya maipanggep e̍ Ari Se̍sar, ipaay nu da ngarud igina. Ket no diya maipanggep e̍ Apu Diyus, ipaay nu da mettas e̍ Apu Diyus,” kunen na.

Lukas 20:25 Iomraidhean Croise

Matyu 17:27

Ngem tasun madi tida da kuma mapasakitan, ket agten idi ya wanglem: Mawe̍ ka mamantac enna baybayin. Ket ya mona nga lames nga maalac mu, pakowabem ya musung na. Ket no mapakowab mun, uwed met masmac mu nga pirac. Ket itu win ya e̍cde̍m kadito agsingsingir, nga pagbayad mu ka buis ta nga duwa,” kunen na.

Matyu 22:21

Ket kinunen da, “E̍ Ari Se̍sar, a,” kunen da. Ket iya agten iyan, kinunen manin ne̍ Je̍sus igida, “Dikad pe̍ no diya maipanggep e̍ Ari Se̍sar, ipaay nu da ngarud igina. Ket no diya maipanggep e̍ Apu Diyus, ipaay nu da mettas e̍ Apu Diyus,” kunen na.

Markus 12:17

Ket kinunen ne̍ Je̍sus igida, “No diya maipanggep e̍ Ari Se̍sar, ipaay nu da ngarud igina. Ket no diya maipanggep e̍ Apu Diyus, ipaay nu da mettas e̍ Apu Diyus,” kunen na. Ket iya agten iyan, nasnasdaaw da ngarud iginan.

Lukas 20:24

“Pasingnan dac kay ka isa nga diplata,” kunen na. Se̍ na kinunen, “Nagan ya akin-ladawan se̍ akin-nagan iya nailanad idi?” kunen na.

Aramid 5:29

Ket simungbat ngarud nge̍ Pe̍dru se̍ diya duduma nga apustule̍s nga kinunen da, “Napatpateg met dakami ya panagtungpal e̍ Apu Diyus ngem iya panagtungpal iya bilin toley.

1 Kurintu 10:31

Ket agten idi ya isungbat ku iya agten iyan nga saludsud: Orey nagan na nga wanglen nu, agraman ya mangan winno uminum man, ket ipaay nu kuma ngas iya pakaidayawan ne̍ Apu Diyus.

1 Pe̍dru 4:11

Kaspagarigan no ya pannakabalin nga mangaskasaba kuma ya naitalec ikew, mangasaba ka ngarud, ngem silalagip ka kuma nga ya kagi ne̍ Apu Diyus met ya ikaskasaba mun. Ket no ya pannakabalin nga tumulung ya naitalec ikew, ket tumulung ka ngarud, ngem sitatalec ka iya kabaellan nga e̍cde̍ ne̍ Apu Diyus. Agten iyan kuma ya wanglen nu, tasun e̍ Apu Diyus ya maidaydayaw iya amin nga wangwanglen nu, gapu e̍ Je̍su Kristu, ta igina met ya maikari nga madayaw se̍ agturay ka agnanayun. Agten iyan kuma.