Lukas 20:23 - Ya Baru nga Tulag

²³ Ngem nalasin ngarud ne̍ Je̍sus ya sikap da, itu nga kinunen na igida,

Lukas 20:23 Iomraidhean Croise

Matyu 16:1

Ket dito Parisiyu se̍ Sadusiyu, nawe̍ da sinintir nge̍ Je̍sus, nga inadeng da igina nga mangipasingen kuma igida ka pagilasinan gapu iya pannakabalin nga gayat e̍ Apu Diyus.

Matyu 22:18

Ngem e̍ Je̍sus, emmu na ngarud to dake̍c nga panggep da, itu nga kinunen na igida, “Ape̍ sintiren dac, dakayu nga aginsisingpet?

Lukas 20:20

Itu nga sinipsiput da ngas met nge̍ Je̍sus, ket uwed da pe̍ nibon da nga nawe̍ nangsicsiim igina. Naginlalaing didi iya imatang na, tasun makasmac da kuma ka rasun nga pangtiliwan da igina gapu iya kagiyen na. Ta gabay da nga iyawat nge̍ Je̍sus iya turay se̍ pannakabalin niya gube̍rnadur.

Lukas 20:22

Dikad pe̍ ibagam kay no maikuntra iya Linteg nito Muyse̍s winno bekken ya panagbayad mi ka buis e̍ Ari Se̍sar,” kunen da.

Lukas 20:24

“Pasingnan dac kay ka isa nga diplata,” kunen na. Se̍ na kinunen, “Nagan ya akin-ladawan se̍ akin-nagan iya nailanad idi?” kunen na.

Lukas 5:22

Ngem emmu ne̍ Je̍sus to uwed iya lemlemmet da, itu nga kinunen na igida, “Ape̍ nga agten iyan ya lemlemtan nu?

Lukas 6:8

Ngem emmu met ne̍ Je̍sus to panpanunuten da, itu nga kinunen na ito lalaki nga nacpe̍t ya ima na, “Umbe̍t ka agsikad idi, sangu mi,” kunen na. Ket ginumnukat ngarud to lalaki, ket nawe̍ nagsikad ito edyan ne̍ Je̍sus.

Aramid 13:10

se̍ kinunen na igina, “Hoy, ikew! Anac naka nge̍ Satanas! Maikuntra ka kadiya amin nga nabaru. Naglaing mu ket lugud nga agbusbusid se̍ mangal-allilaw! Ape̍, ta pacpakilluwem ya nabaru nga kagi niya Apu?

1 Kurintu 10:9

Ket dito duduma igida itun, sinigsigir da met nge̍ Apu Diyus, ket nadusa da pe̍ nga natey gapu iya kagat dito malaga itun. Ket no dactida, masapul nga madi tida kuma lugud sigiren nge̍ Apu Diyus.

1 Kurintu 3:19

Ta awan kaipapennan na iya imatang ne̍ Apu Diyus diya ibilang diya toley nga kinasirib da. Ta agten iya naisurat iya Bibliya nga kunen na, “Ya kinasikap diya mamasirib kanu nga toley, itu mettas ya pangpaabac ne̍ Apu Diyus igida.”

E̍pe̍su 4:14

Ket no agten iyanin, bekken tida nga arig nga diya maipalupalung winno diya maipurad ngas iya kumpurmi nga pennan niya belluut. Ta bekken tida kuma nga arig nga diya ebbing, nga nalaka nga maawis kadiya nadumaduma nga panursuru diya mangallilaw nga mangiyaw-awan ka toley gapu kadiya kinasikap da.

He̍briyu 4:13

Ket agten pe̍ diya amin nga naparsuwa, ta awan mailinged e̍ Apu Diyus, nga arig nga naipac diya amin nga panglinged. Ket iya agten iyan, maemmuwan met ne̍ Apu Diyus ya aminin, ket igina met pe̍ ya sumungbatan tida.