Lukas 20:21 - Ya Baru nga Tulag

²¹ Ket dito naibon, kinunen da e̍ Je̍sus, “Mistru, emmu mi nga kustu diya ibagbagam se̍ isursurum, se̍ emmu mi met pe̍ nga madi ka mangiduma ka toley, no di lugud mangisursuru ka nga sipupudnu iya paglinteggan ne̍ Apu Diyus.

Lukas 20:21 Iomraidhean Croise

Matyu 22:16

Ket ya namaay dito Parisiyu, nangibon da ka pasurut da se̍ dito toley nito Ari He̍rude̍s ito edyan ne̍ Je̍sus. Ket kinunen dito naibon e̍ Je̍sus, “Mistru, emmu mi nga napudnu ka, se̍ mangisursuru ka nga sipupudnu iya paglinteggan ne̍ Apu Diyus. Se̍ emmu mi nga bekken nga ya kapanunutan niya toley ya ikasum, orey nagan na nga toley. Ta awan idumdumam nga saad toley.

Markus 12:14

Ket dito naibon, nawe̍ da ngarud ito edyan na, ket kinunen da igina, “Mistru, emmu mi nga napudnu ka, se̍ bekken nga ya kapanunutan niya toley ya ikasum, orey nagan na nga toley. Ta awan idumdumam nga saad toley, no di lugud isursurum ya pudnu nga paglinteggan ne̍ Apu Diyus. Dikad pe̍ ibagam kay no maikuntra iya Linteg nito Muyse̍s winno bekken ya panagbayad ka buis e̍ Ari Se̍sar. Agbayad kami kadi, winno bekken?” kunen da.

Lukas 20:20

Itu nga sinipsiput da ngas met nge̍ Je̍sus, ket uwed da pe̍ nibon da nga nawe̍ nangsicsiim igina. Naginlalaing didi iya imatang na, tasun makasmac da kuma ka rasun nga pangtiliwan da igina gapu iya kagiyen na. Ta gabay da nga iyawat nge̍ Je̍sus iya turay se̍ pannakabalin niya gube̍rnadur.

Lukas 20:22

Dikad pe̍ ibagam kay no maikuntra iya Linteg nito Muyse̍s winno bekken ya panagbayad mi ka buis e̍ Ari Se̍sar,” kunen da.

Juan 3:2

Iya name̍nsan, ginabi nito Nikude̍mu ya nawe̍ iya edyan ne̍ Je̍sus. Ket kinunen na igina, “Mistru, emmu mi nga isa ka nga manursuru nga nibon ne̍ Apu Diyus. Ta awan makaariman kadiya nakaskasdaaw nga pagilasinan nga ar-arimanem, no awan igina nge̍ Apu Diyus,” kunen na.

2 Kurintu 2:17

No dakami, bekken kami met nga agten kadiya duduma nga mangipacpakaemmu maipanggep e̍ Apu Diyus nga panguwartaan da ngas ya panangasaba da. Ta dakami, gapu iya pannakaitipun mi e̍ Kristu, mangasaba kami sigun iya panangibon ne̍ Apu Diyus dakami. Napudnu ngas met ya panggep mi, ket e̍ Apu Diyus met ya mangsipsiput dakami.

Galasiya 1:10

Nitured ku nga nibaga ya agten iyan, ta bekken met nga ya beggic ya gabay ku nga padayawen. Ya iyaannamung ne̍ Apu Diyus lugud ya sapsapulec kadidi nga nibagac. Bekken ngarud nga toley ya gabay ku nga ay-ayuwen kadidi nga nibagac, ta no toley kuma ya gabay ku nga ay-ayuwen, bekken met nga e̍ Kristu ya pagsirsirbiyac kun.

Galasiya 2:6

Ket no maipanggep kadito naibilang nga pangpangulu diya mamati enna He̍rusale̍m, bekken nga diya saad nga binangun toley ya ipateg ku. Ta e̍ Apu Diyus, bekken met nga ya saad niya toley ya ibilang na nga napateg. Ngem orey agten iyan, ket dito naisaad nga pangpangulu da nga mamati enna He̍rusale̍m, awan met naidga da ito nipalawag ku igida antuni itun.