Lukas 20:14 - Ya Baru nga Tulag

¹⁴ “Ngem ito nasingen dito makisugsugpun to anac na, nagtetebbar da nga ig-igida, nga kinunen da lugud, ‘Ala! Igina yani ya agtawid! Patayen tida lugudin, tasun dactida nad ya agtagikuwa iya tawiden nan,’ kunen da.

Lukas 20:14 Iomraidhean Croise

Matyu 16:7

Ket nagtetebbaran ngarud dito adalan to kinagi ne̍ Je̍sus maipanggep iya pangpablad, ket kinunen da, “Ay! Awan ngamin balun tida nga tinapay,” kunen da.

Matyu 21:25

Ket agten idi: To Juan nga Mammautisar, awac ngarud ya naggayatan nito turay na nga mamacbautisar itun? Gayat kad e̍ Apu Diyus, winno ka toley?” kunen na. Ket igida, nagdidinniskutir da ngarudin, nga kinunen da, “Nagan ngarud ya isungbat tidan? Ta no kunen tida nga gayat e̍ Apu Diyus, kunen na nad met nga, ‘No agten iyan, ape̍ ngarud nga madi kayu namati ito Juan?’ kunen na nad met.

Matyu 21:34

“Ket ito dandani ya timpu panagbuburas ka ubasin, nangibon to akin-kuwa kadiya tagabu na nga mawe̍ kadito makisugsugpun, tasun alaken da ya bingay na nga ubas.

Lukas 19:47

Ket inalgew nge̍ Je̍sus itun nga nagisursuru enna Te̍mplu. Ket dito pangpangulu diya agsirsirbi iya Te̍mplu, se̍ dito manursuru iya Linteg, se̍ dito duduma nga pangpangulu diya Hudyu, gabay da nga patayen kuma.

Lukas 20:13

“Ket to akin-kuwa ito kaubasan, kinunen na nga, ‘Nagan ngarud ya wanglec kun? Ay, agten idi nin: Ibon ku lugud ya patpatgec nga anac ku, ta bareng no dayawen da,’ kunen na.

Lukas 20:15

Ket nipen da ngarud iya laskig nito kaubasan, se̍ da pinatey,” kunen ne̍ Je̍sus. Ket kinunen manin ne̍ Je̍sus, “Ket ita, nagan ngarud ya wanglen nito akin-kuwa ito kaubasan kadito makisugsugpun igina?

Lukas 20:19

Ket dito manursuru iya Linteg, se̍ dito pangulu diya agsirsirbi iya Te̍mplu, gabay da nga tacmen nge̍ Je̍sus iyan mettas nga kanitu, gapu ta naawatan da nga igida met to pakaiturungan nito pangngarig na. Ngem madi da met tinkem, ta nansing da kadito toltoley.

Lukas 20:5

Ket igida, nagsisinnaludsud da ngarudin, nga kinunen da, “Nagan ngarud ya isungbat tidan? Ta no kunen tida nga gayat e̍ Apu Diyus, kunen na nad met nga, ‘No agten iyan, ape̍ ngarud nga madi kayu namati ito Juan?’ kunen na nad met.

Lukas 22:2

Ket dito pangpangulu diya agsirsirbi iya Te̍mplu, se̍ dito manursuru iya Linteg, pinanpanunut dan nga nalaing no kumaan kuma niya panangpatey da e̍ Je̍sus. Pinanpanunut da ngarud nga nalaing, ta mansing da ngamin kadiya toltoley.

Aramid 2:23

Ket iyan nga Je̍sus, gapu ta emmu itun ne̍ Apu Diyus ya mapasamac, nipalubus na ya pannakaiyawat na dakayu, ta itu ya panggep ne̍ Apu Diyus. Ket dakayu, nipapatey nu met, ata nipailansa nu kadiya managdacdake̍c ka krus.

Aramid 3:15

Ket iya agten iyan, nipapatey nu met ya pagtaudan niya biyag. Ngem pinagungar mettas ne̍ Apu Diyus. Ket dakami, nasacsiyan mi met yan.

Ruma 8:17

Ket gapu ta anac nactidan, agtawid tida nad met pe̍ yin. Ngarud, agtawid tida nad e̍ Apu Diyus, nga makipagtawid tida e̍ Kristu. Ket agten iyan ngarud, ta no tutu nga makipagrigat tida e̍ Kristu, mairaman tida nad met pe̍ iya pannakapadayaw na.

He̍briyu 1:2

Ngem ita nga kaodiyan nga timpu win, nipakaemmu nan ya kagi na dactida gapu iya Anac na. Igina met pe̍ ya pinagparsuwa ne̍ Apu Diyus iya amin nga uwed iya lubung, se̍ igina pe̍ ya pinili ne̍ Apu Diyus nga agtawid kadiya amin.