Lukas 20:10 - Ya Baru nga Tulag

¹⁰ “Ket ito nadatngan ya panagbuburas ka ubas, nibon nito akin-kuwa ya isa nga tagabu na nga mawe̍ kadito makisugsugpun ito kaubasan, tasun ipaalac na ya bingay na nga ubas. Ngem dito makisugsugpun, kinabkabil da met to tagabu, ket pinagawir da nga awan ne̍cde̍ da igina.

Lukas 20:10 Iomraidhean Croise

Lukas 13:34

“Ay, dakayu nga iHe̍rusale̍m! Pakapateyyan met dito mammadtu ya siyudad nu. Ngarud, diya ibon dakayu ne̍ Apu Diyus, pakabatuwan da met ya siyudad nu. Mame̍npiga met nga gabay ku ya mangurnung kuma dakayu, nga arig nga panangsikuyup niya gaganac kadiya piyec na iya linung diya payac na. Ngem madi kayu met.

Lukas 20:11

“Ket to akin-kuwa ito kaubasan, nangibon manin ka sabali nga tagabu na. Ngem agten latta, ta kinabkabil da to tagabu, se̍ niyal-alyew da met, ket pinagawir da pe̍ yin nga awan ne̍cde̍ da igina.

Lukas 20:9

Ket itun, kinagi ne̍ Je̍sus kadiya toltoley yani nga pangngarig: “Uwed isa nga toley nga nagmula ka adu nga ubas, se̍ na nipasugpun yan nga kaubasan na kadiya agwangwangel ka laplapug, se̍ nawe̍ ka sabali nga ili yin, ket nabayag antuni.

Juan 15:16

Ket tandaanan nu nga bekken nga gapu iya panangpili nu iyaken ya panagbalin nu nga gagayyem kun, no di lugud gapu ta iyaken ya nangpili dakayu. Ket dakayu diya nisaad ku nga eb-ebbonec, tasun adu kuma ya bisic niya panagsirbi nu iyaken, nga itu ya kita bisic nga madi mapukaw. Ket iya agten iyan, ipaay nad niya Ama dakayu ya orey nagan na nga adngen nu igina nga sipapati iya turay ku.

Ruma 7:4

Kakabsat ku, agten kayu met iyan nga pangngarig, ta awan turay niya Linteg nito Muyse̍s dakayun, gapu ta naibilang kayun nga natey yin. Ta ito nailansa ya beggi ne̍ Kristu ito krus, arig nga nairaman kayu nga natey pe̍ yin, no maipanggep iya turay niya Linteg dakayu. Dikad pe̍ nawayawayaan kayu nga makitipun iya sabali yin, nga itu nge̍ Kristu nga natey se̍ napagungar met itun. Agten iyan ngarud ya kasasaad tidan, tasun uwed kuma nabaru nga pagbanagan niya panagbiyag tidan nga agpaay e̍ Apu Diyus.