Lukas 2:7 - Ya Baru nga Tulag

⁷ Ket lalaki met ya niyanac na, nga itu to inauna nga anac na. Ket linampinan na, se̍ na nipaida ka papakanan ka animal, ta awan met pagedyanan da ito pagdadagusan nga baley.

Lukas 2:7 Iomraidhean Croise

Matyu 1:25

ngem madi nakiadug igina agingga ka di na pekkem naiyanac ya bucsit na nga lalaki. Ket Je̍sus ngarud ya nipanagan ne̍ Huse̍ ito ke̍bit.

Matyu 13:55

Di met anac nito allawagi yan? Di met e̍ Marya ya ina na? Se̍ kabsat na met de̍ Santiyagu, Huse̍, Simon se̍ e̍ Hudas?

Matyu 8:20

Ket kinunen ne̍ Je̍sus igina, “Utubem man yani: No diya musang, uwed pagedyanan da nga re̍kab. Ket se̍ diya sibsibud, uwed pe̍ sucbut da. Ngem ya Anac nga Naipatoley, awan met nga gennung pagedyanan na tasun uwed kustu nga pagidaan na,” kunen na.

Lukas 10:34

Inadenniyan na ngarud, ket inagasan na diya talingu na ka lana se̍ basi, se̍ na binedbeddanin. Kalpasan na, nisakey na to lalaki iya kabayu na, ket nawe̍ na nipen iya isa nga pagdadagusan, se̍ na inistimar antuni.

Lukas 2:6

Ket ito uwed da enna Be̍tle̍he̍m, nadatnganin ya panaganac ne̍ Marya.

Lukas 2:8

Ket iya isa nga lugar nga masakupan niya Be̍tle̍he̍m, uwed da agay-aywan ka karne̍ru iya pakarsu da iya gabi.

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

2 Kurintu 8:9

Ket malagip nu pe̍ no kumaan to siaayat nga panangaasi niya Apu tida nga Je̍su Kristu. Ta orey sigud nga nabacnang itun enna langit, nagbalin nga napanglaw tasun agpaay kuma dakayu. Ket iya agten iyan, gapu ito kasasaad na nga napanglaw, dakayu met ya nagbalin nga arig nga nabacnangin maigapu e̍ Apu Diyus.

Galasiya 4:4

Ngem ito nadatngan ya kustu nga timpu win, nibon ne̍ Apu Diyus ya Anac na idi nga lubung. Nibon na nga paiyanac iya isa nga babey. Ket nasakupan met pe̍ itun niya turay niya Linteg diya Hudyu,