Lukas 2:39 - Ya Baru nga Tulag

³⁹ Ket ito natungpal de̍ Huse̍ nge̍ Marya ngin ya amin nga ipaannung nito Linteg niya Apu maipanggep ka ebbing, simoli da ka Galilya iya ili da nga Nasare̍t.

Lukas 2:39 Iomraidhean Croise

Matyu 3:15

Ngem kinunen ne̍ Je̍sus igina, “Ala kad lugudin, ta rumbeng met no tungpalen ta amin diya nalinteg nga panggep ne̍ Apu Diyus,” kunen na. Dikad pe̍ nayat mettas nge̍ Juanin.

Lukas 1:26

Ket ito maikanem nga bulan niya bucsit ne̍ E̍lisabe̍t, nibon manin ne̍ Apu Diyus to anghe̍l nga Gabriye̍l, nga mawe̍ enna Nasare̍t nga isa nga ili ka prubinsiya nga Galilya.

Lukas 1:6

Ket de̍ Sakaryas nge̍ E̍lisabe̍t, nalinteg met ya panagbiyag da iya imatang ne̍ Apu Diyus. Awan ngarud nagkurangan da iya panagtungpal da kadiya sursuru se̍ bilbilin ne̍ Apu Diyus.

Lukas 2:4

Ket e̍ Huse̍, nagedyan ka Nasare̍t enna prubinsiya nga Galilya. Ket nawe̍ met ka prubinsiya nga Hudya, ito ili nito Ari Dabid, nga maawagan ka Be̍tle̍he̍m, ta nagtaud nge̍ Huse̍ iya kapututan nito Dabid.

Lukas 2:51

Ket nibulun ngarud nge̍ Je̍sus igida nga nagawir enna Nasare̍tin, ket nagtudyu met nga pe̍yeng igida. Ket e̍ ina na, sinalimetmettan na ngarud amin didi nga pasamac.

Lukas 4:16

Ket nakadateng met nge̍ Je̍sus enna Nasare̍t, nga itu to ili nga dimackellan na. Ket iya algew Sabadu, nawe̍ met iya gigimungan da, sigun iya gangey na kada Algew Ngilin. Ket nagsikad nge̍ Je̍sus nga mangibasa iya Bibliya.

Lukas 4:23

Ket kinunen ne̍ Je̍sus igida, “Emmuc ngarud nga gabay nu nga ipalagip iyaken yani nga pagkakagi nga kunen na, ‘Duktur, agasam ya mismu nga beggim!’ Ket mabalin nga kunen nu pe̍ nga, ‘Arimanem man pe̍ idi nga ilim diya nadamdamag mi nga inariman mu enna Kape̍rnaum.’”