Lukas 2:38 - Ya Baru nga Tulag

³⁸ Ket itun mettas nga uras nga kauwed de̍ Huse̍ enna Te̍mplu, inumbe̍t met to Ana ito edyan da, ket nagyaman ngarud met e̍ Apu Diyus. Ket nagkagkagi pe̍ to Ana itun maipanggep iya ebbing, kadiya amin nga toley antuni nga mangpadpadaan pe̍ nga sinanama iya pannakawayawaya niya ili da nga He̍rusale̍m.

Lukas 2:38 Iomraidhean Croise

Markus 15:43

Ket itun, uwed isa nga toley nga nagtured nga nawe̍ ito edyan ne̍ Gube̍rnadur Pilatu. Nawe̍ ngarud nagadeng ka pammalubus ne̍ Pilatu nga alac na ya bangkay ne̍ Je̍sus, ta gumidam mettin. Ket yan nga toley, ket e̍ Huse̍ nga taga-Arimatiya, nga isa nga mabigbig nga kunse̍hal diya Hudyu. Ket igina pe̍ ya isa nga mangpadpadaan nga sinanama iya umbe̍t nga panangituray ne̍ Apu Diyus.

Lukas 1:68

“Madaydayaw kuma ngarud ya Apu nga Diyus diya iIsrae̍l, ta sinacwaran nactida nga toley na, nga inumbe̍t nactida sinubbut.

Lukas 2:25

Ket enna He̍rusale̍m itun, uwed isa nga lakay nga agnagan ka Simyun. Nalinteg yan nga toley, se̍ managtungpal iya pammati na, ket pinadpadaanan na nga sinanama ya pannakaliwliwa diya iIsrae̍l. Ket uwed pe̍ igina ya Ispiritu Santu.

Lukas 2:36

Ket uwed met pe̍ antuni ya isa nga bacbaket nga mammadtu, nga agnagan ka Ana. Anac ne̍ Panuwe̍l nga kapututan nito Ase̍r. Ket bacbaket nga unayin to Ana. Ket pitu nga dagun nga nagdenna da ya asawa na itun, nanipud ito panagasawa da.

Lukas 23:51

Madi met nakipagkanunung kadito panggep se̍ wangel dito pada na nga kunse̍hale̍s nga maikuntra e̍ Je̍sus. E̍ Huse̍, taga-Arimatiya, nga isa nga ili diya Hudyu. Ket isa met pe̍ nga mangpadpadaan nga sinanama iya umbe̍t nga panangituray ne̍ Apu Diyus.

Lukas 24:21

Ngem dakami, ninamnama mi met itun nga igina ya mangwayawaya kuma nga mangisalakan dactida nga iIsrae̍l. Ngem ya napasamac, ket maikatlu nga algew itan ya napalabes sin, kalpasan nito panangpatey da igina.

2 Kurintu 9:15

Ket no dactida, agyaman tida ngarud pe̍ e̍ Apu Diyus, gapu iya panangaasi nga nisagut na dactidan, nga awan kapada na!

E̍pe̍su 1:3

Madaydayaw kuma ngarud nge̍ Apu Diyus, nga Diyus se̍ Ama niya Apu tida nga Je̍su Kristu, ta gapu iya pannakaitipun tida e̍ Kristu, nipaay ne̍ Apu Diyus dactida amin nga e̍cde̍ niya Ispiritu na nga tumaud ka langit.