Lukas 2:27 - Ya Baru nga Tulag

²⁷ Ket iya agten iyan, gapu iya panangidalan niya Ispiritu ito Simyun, nawe̍ nimuneg iya emwag niya Te̍mplu. Ket itun, diya naganac iya ebbing nga Je̍sus, nipen da met ya ebbing iya Te̍mplu win, tasun tungpalen da para igina to bilin niya Linteg.

Lukas 2:27 Iomraidhean Croise

Matyu 4:1

Ket itun, naiturung nge̍ Je̍sus gapu iya Ispiritu ne̍ Apu Diyus manipud ito wangag, nga naipen ka away, tasun malak-aman na ya panangsulisug niya diyablu.

Lukas 2:22

Ket nadatngan itun ya timpu nga panangtungpal de̍ Huse̍ nge̍ Marya iya paglinteggan maipanggep iya panagdalus da maikanatad iya Linteg nito Muyse̍s maipanggep ka aganac. Ket nipen da ngarud ya ebbing enna He̍rusale̍m, tasun ipaay da iya Apu.

Lukas 2:28

Ket to Simyun, nawe̍ na nimet nga sinakuruy ya ebbing, ket nagdaydayaw ngarud e̍ Apu Diyus, nga kinunen na,

Lukas 2:41

Ket ugali dito naganac e̍ Je̍sus ya mawe̍ nga dinagun enna He̍rusale̍m no padaya nga maawagan ka Padaya Nitatalib.

Lukas 2:48

Ket ito nasingen dito naganac igina, nasdaawan da met, ket kinunen nito ina na, “Ape̍ inariman mu yani dakami, iyong? Napalaus met ya danag mi nge̍ amam nga nangsapsapul ikew,” kunen na.

Lukas 2:51

Ket nibulun ngarud nge̍ Je̍sus igida nga nagawir enna Nasare̍tin, ket nagtudyu met nga pe̍yeng igida. Ket e̍ ina na, sinalimetmettan na ngarud amin didi nga pasamac.

Lukas 4:1

Ket e̍ Je̍sus, naturayan iya Ispiritu Santu ito gayat ka wangag Hordan, ket niturung niya Ispiritu ka away.

Aramid 10:19

Ket e̍ Pe̍dru, uwed pekkem ito atep nga ut-utuben na to naipasingen igina ito parparmata na. Ket kinunen niya Ispiritu Santu iginan, “Uwed tellu nga lalaki nga makasapul ikew win.

Aramid 11:12

Ket ya Ispiritu Santu, kinunen na met iyaken nga madi yac kuma nga agduwaduwa nga mibulun igida. Itu nga iyaken se̍ didi nga ennem nga kakabsat tida ka pammati, nibulun kami igida. Ket linumnec kami ngarud ito baley ne̍ Kurne̍lyu, nga itu to nangpaayab iyaken.

Aramid 16:7

Ket ito sumungsungad da iya pagiliyan nga Misiya, gabay da pe̍ ya mawe̍ ka prubinsiya nga Bitinya. Ngem ya Ispiritu ne̍ Je̍sus, madi na da pinalubusan manin.

Aramid 8:29

Ket kinunen niya Ispiritu Santu e̍ Pe̍lipe̍, “Adenniyam ya kale̍sa na, ta mibulun ka igina,” kunen na.

Galasiya 4:4

Ngem ito nadatngan ya kustu nga timpu win, nibon ne̍ Apu Diyus ya Anac na idi nga lubung. Nibon na nga paiyanac iya isa nga babey. Ket nasakupan met pe̍ itun niya turay niya Linteg diya Hudyu,

Paltiing 1:10

Ket itun, algew niya Apu win, ket naiturayan nac gapu iya pannakabalin niya Ispiritu ne̍ Apu Diyus. Ket uwed nagicnac itun iya likud ku nga isa nga timec nga nabileg, nga arig met nga uni tangguyub.

Paltiing 17:3

Ket pinaipen nac ngarudin to anghe̍l iya away gapu iya pannakabalin niya Ispiritu ne̍ Apu Diyus. Ket nasingec met antuni ya isa nga babey nga nakasakey ka isa nga animal nga nadgang. Ket ya beggi nito nadgang nga animal, nasanap ka naisurat nga agkakadake̍c nga nagnagan nga makainsultu e̍ Apu Diyus. Uwed met pitu nga ulu nito animal, se̍ uwed pe̍ sangapulu nga sacgud na.