Lukas 2:26 - Ya Baru nga Tulag

²⁶ Ket nipaltiing niya Ispiritu Santu ito Simyun itun nga madi pekkem kanu matey agingga nga di na masingen ya Kristu nga ibon niya Apu.

Lukas 2:26 Iomraidhean Croise

Matyu 2:12

Ket ito simoli da ito ili da, sabali ya dinalan dan, gapu ta uwed nipakaemmu ne̍ Apu Diyus igida iya pasmeg da nga madi da nga sumolsoli iya edyan ne̍ Ari He̍rude̍sin.

Lukas 2:29

“Apu nga Mannakabalin, natungpalin to karim iyaken nga tagabum. Dikad pe̍ orey no ipalubus mu nga matey yac kun, ta sitatalna ngac mettin.

Lukas 9:27

Ngem tutu met pe̍ nga uwed duduma dakayu idi ita, nga madi nad pekkem matey agingga nga madi da aglak-am iya panangituray ne̍ Apu Diyus,” kunen na.

Juan 1:41

Ket e̍ Andre̍s, sigida nga nawe̍ na sinapul nge̍ Simon nga kabsat na, ket nibaga na e̍ Simon, “Nasmac mi ngarudin ya Me̍siyas!” kunen na. (Kagi diya Hudyu ya “Me̍siyas”, nga kayat na nga kagiyen, “Kristu.”)

Juan 20:31

Ket diya naisurat idi nga libru, naisurat da tasun patiyen nu kuma nga e̍ Je̍sus, igina ya Kristu nga Anac ne̍ Apu Diyus. Ket no mamati kayu, maipaayan kayu ngarud ka biyag nga agnanayun, gapu iya kinaturay na.

Juan 4:29

“Umbe̍t nu singen, ta uwed lalaki nga nangipakaemmu iyaken kadiya amin nga winangwangel ku. Di igina kid ya Kristu?” kunen na.

Juan 8:51

Pudnu met yani nga ibagac dakayu: Ya orey nagan na nga mangtungpal kadiya kagic, madi aglak-am ka pannakatey,” kunen na.

Aramid 10:38

Ket emmu nu met pe̍ nga pinili ne̍ Apu Diyus nge̍ Je̍sus nga iNasare̍t nga nae̍cdan iya Ispiritu Santu se̍ iya pannakabalin na. Ket nagpaspasyar nge̍ Je̍sus nanipud ka Galilya, nga timultulung kadiya toley, se̍ pinalaing na pe̍ diya nasairuwan nga toley, ta uwed met nge̍ Apu Diyus igina.

Aramid 17:3

Nilawlawag se̍ nipanecnec na igida to naisurat iya Bibliya, nga masapul nga agrigrigat se̍ matey ya Kristu nga nikari ne̍ Apu Diyus, se̍ kalpasan na, agungar. Ket kinagi ne̍ Pablu igida, “Idi nga Je̍sus nga ibagbagac dakayu, itu met yan ya Kristu nga nibon ne̍ Apu Diyus,” kunen na.

Aramid 2:36

“Dikad pe̍ kapadpadac nga Israe̍lita, maemmuwan tida kuma nga nalaingin nga e̍ Je̍sus nga nipailansa nu ka krus, igina mettin ya dinutukan ne̍ Apu Diyus nga Apu se̍ Kristu.” Itu ya nipakaemmu ne̍ Pe̍dru.

Aramid 9:20

Ket manipud itun, nawe̍ nangaskasaba kadiya gigimungan diya Hudyu iya maipanggep e̍ Je̍sus, nga nikaskasaba na ngarud nga Anac ne̍ Apu Diyus nge̍ Je̍sus.

He̍briyu 11:5

Ket to E̍nuc pe̍, gapu ta uwed panamati na, madi natey, ata inalac ne̍ Apu Diyus nga nipen ka langit ito sibibiyag pekkem. Ket madi nasmac dito pada na nga toley, ta naalac mettin. Ket emmu tida maipanggep ito panamati na, ta sigun ito naisurat iya Bibliya maipanggep igina, naemmuwan tida nga ito sibibiyag pekkem to E̍nuc idi nga lubung, naay-ayu na nge̍ Apu Diyus.