Lukas 2:11 - Ya Baru nga Tulag

¹¹ Ta ita mettas, enna ili nito Ari Dabid, uwed naiyanac kin nga Mangisalakan dakayu, nga itu met ya Kristu nga Apu.

Lukas 2:11 Iomraidhean Croise

Matyu 1:16

To Hakub, igina ya ama nito Huse̍, ket e̍ Huse̍, itu to asawa ne̍ Marya, nga ina mettas ne̍ Je̍sus. Ket e̍ Je̍sus, igina ya maawagan ka Kristu.

Matyu 1:21

Ket mangiyanac nad ka lalaki. Ket ya ipanagan mu nad igina, ket Je̍sus, ta isalakan na nad diya toley na kadiya basbasul da,” kunen na.

Matyu 16:16

Ket e̍ Pe̍dru to simungbat, nga kinunen na, “Ikew met ya Kristu, nga Anac mettas niya sibibiyag nga Diyus,” kunen na.

Matyu 16:20

Ket nibilin ne̍ Je̍sus nga siiinget kadito adalan na nga pulus nga awan kanu pangibagbagaan da nga igina ya Kristu.

Lukas 1:43

Madi yac met maikari nga umbe̍t mu sacwaran, ikew nga ina niya Apuc!

Lukas 1:69

Ne̍cdan nactida ka nabileg nga Mangisalakan dactida, nga nagtaud iya kapututan nito Ari Dabid nga eb-ebbonen ne̍ Apu Diyus itun.

Lukas 2:26

Ket nipaltiing niya Ispiritu Santu ito Simyun itun nga madi pekkem kanu matey agingga nga di na masingen ya Kristu nga ibon niya Apu.

Lukas 2:4

Ket e̍ Huse̍, nagedyan ka Nasare̍t enna prubinsiya nga Galilya. Ket nawe̍ met ka prubinsiya nga Hudya, ito ili nito Ari Dabid, nga maawagan ka Be̍tle̍he̍m, ta nagtaud nge̍ Huse̍ iya kapututan nito Dabid.

Juan 1:41

Ket e̍ Andre̍s, sigida nga nawe̍ na sinapul nge̍ Simon nga kabsat na, ket nibaga na e̍ Simon, “Nasmac mi ngarudin ya Me̍siyas!” kunen na. (Kagi diya Hudyu ya “Me̍siyas”, nga kayat na nga kagiyen, “Kristu.”)

Juan 1:45

Ket e̍ Pe̍lipe̍, nawe̍ na met sinapul nge̍ Natanye̍l, ket kinunen na igina, “Nasmac mi mettin to toley nga nisurat nito Muyse̍s iya libru na nga Linteg tida, se̍ to nisurat dito mammadtu pe̍. Itu met nge̍ Je̍sus nga iNasare̍t nga anac ne̍ Huse̍,” kunen na.

Juan 11:27

Ket kinunen ngarud ne̍ Marta igina, “Bo, Apu. Patiyec ngarud nga ikew nga tutu ya Kristu nga Anac ne̍ Apu Diyus, nga naipadtu nga umbe̍t idi nga lubung,” kunen na.

Juan 20:31

Ket diya naisurat idi nga libru, naisurat da tasun patiyen nu kuma nga e̍ Je̍sus, igina ya Kristu nga Anac ne̍ Apu Diyus. Ket no mamati kayu, maipaayan kayu ngarud ka biyag nga agnanayun, gapu iya kinaturay na.

Juan 4:25

Ket to babey, kinunen na e̍ Je̍sus, “Emmuc met nga umbe̍t nad ya Me̍siyas nga maawagan ka Kristu. Ket nad no umbe̍t, ipakaemmu na dactida diya amin nga banbanag,” kunen na.

Juan 4:42

Ket dito toltoley, kinunen da ito babey, “Mamati kami ngarudin, ngem bekken nas nga gapu ito kagi mun, no di lugud gapu ta dakami nga mismu ya nakagicna iginan. Ket itu ya pakaemmuwan mi nga tutu nga igina ya naibon nga Mangisalakan kadiya toltoley iya lubung ngi,” kunen da.

Juan 6:69

Dakami, mamati kamin, ket emmu min nga ikew ya Nalinteg nga Ebbon ne̍ Apu Diyus,” kunen na.

Juan 7:41

Ket diya duduma, kinunen da, “Igina met ya Kristu!” Ngem uwed da met pe̍ nagkunen, “Siyac bekken! Ta bekken kanu nga Galilya ya pagtaudan niya Kristu!

Aramid 10:36

“Emmu nun ya Makaparagsac nga Damag nga nipakaemmu ne̍ Apu Diyus dakami nga iIsrae̍l maipanggep e̍ Je̍su Kristu nga Apu diya amin nga toley. Ta e̍ Je̍sus, igina ya mangitunus dactida e̍ Apu Diyus.

Aramid 13:23

“Ket ya kapututan nito Dabid, itu ya naggayatan ne̍ Je̍sus nga nibon ne̍ Apu Diyus nga mangisalakan dactida nga Israe̍lita, sigun ito nikari na.

Aramid 17:3

Nilawlawag se̍ nipanecnec na igida to naisurat iya Bibliya, nga masapul nga agrigrigat se̍ matey ya Kristu nga nikari ne̍ Apu Diyus, se̍ kalpasan na, agungar. Ket kinagi ne̍ Pablu igida, “Idi nga Je̍sus nga ibagbagac dakayu, itu met yan ya Kristu nga nibon ne̍ Apu Diyus,” kunen na.

Aramid 2:36

“Dikad pe̍ kapadpadac nga Israe̍lita, maemmuwan tida kuma nga nalaingin nga e̍ Je̍sus nga nipailansa nu ka krus, igina mettin ya dinutukan ne̍ Apu Diyus nga Apu se̍ Kristu.” Itu ya nipakaemmu ne̍ Pe̍dru.

Aramid 5:31

Se̍ nipangatu pe̍ ne̍ Apu Diyus iya kadayawan nga saad. Ket iya agten iyan, uwed din nge̍ Je̍sus iya madiwanan na nga mangituray se̍ mangisalakan ka toley. Agten iyan ngarud ya winangel ne̍ Apu Diyus, tasun uwed dactida nga Israe̍lita ya gundaway nga agbabawi se̍ tasun uwed pakapakawanan tida pe̍.

1 Kurintu 15:47

To nona nga toley, ket idi nga lubung ya nagtaudan na, ta nabukel ka ginet. Ket ya maawagan ka maikadduwa nga toley, langit met nga gennung ya nagtaudan na.

Pilipus 2:11

Ket se̍ tasun pulus nga awan madi agibalikas nga e̍ Je̍su Kristu, ket igina ya Apu. Ket iya agten iyan, maidaydayaw ngarudin nge̍ Apu Diyus nga Ama.

Pilipus 3:8

Ngarud ita, ibilang ku nga awan sirsirbi yin niya orey nagan na, ta napatpateg met ya pannakaem-emmuc e̍ Kristu Je̍sus nga Apuc kun ngem iya orey nagan na. Ket gapu idi nga pannakaemmuc igina, naipac iyaken nin amin dito pagtalged ku itun. Ket ibilang ku da ngasin nga arig nga basura, tasun maalac ku ya gun-gunac nga pannakibulun ku e̍ Kristu.

Kulusas 2:6

Ket gapu ta makiapu kayu e̍ Kristu Je̍susin, makitipun kayu kuma ngarud pe̍ igina iya panagbiyag nun.

1 Juan 4:14

Ket no dakami, nasingen mi met itun ya Anac ne̍ Apu Diyus, ket ipadamag mi met nga igina ya nibon niya Ama idi nga lubung tasun isalakan na diya toltoley.

1 Juan 5:1

Amin diya mamati nga e̍ Je̍sus ya Kristu nga nibon ne̍ Apu Diyus, ket anac ne̍ Apu Diyus da. Ket emmu tida met nga amin diya agayat iya isa nga ama, ayaten da met pe̍ ya anac na.