Lukas 2:10 - Ya Baru nga Tulag

¹⁰ Ngem kinunen nito anghe̍l igida, “Madi kayu mansing. Ta makapaanggem met nga unay ya e̍lbe̍t ku nga damag dakayu, ket pakaanggemman pe̍ nga tutu nidi diya amin nga toltoley.

Lukas 2:10 Iomraidhean Croise

Matyu 14:27

Ngem sigida nga nagkagi nge̍ Je̍sus igida, nga kinunen na, “Madi kayu mansing, ta iyaken met! Madi kayu madanaganin,” kunen na.

Matyu 28:18

Ket e̍ Je̍sus, imadenni igidan, ket kinunen na igida, “Naitalec iyaken amin nga turay nga uwed ka langit se̍ iya lubung ngi.

Matyu 28:5

Ket to anghe̍l, kinunen na kadito babey, “Madi kayu mansing. Emmuc nga sapsapulen nu nge̍ Je̍sus nga nailansa ito krus.

Markus 1:15

Ket kinunen ngarud ne̍ Je̍sus, “Nadatnganin ya kustu nga timpu, ket dandani mettin ya panangituray ne̍ Apu Diyus. Agbabawi kayu ngarudin, ket mamati kayun iya Makaparagsac nga Damag!” kunen na.

Markus 16:15

Ket kinunen pe̍ ne̍ Je̍sus igida, “Mawe̍ kayu kadiya amin nga parte̍ niya lubung, tasun ikasaba nu ya Makaparagsac nga Damag kadiya amin nga toltoley.

Lukas 1:13

Ngem kinunen nito anghe̍l igina, “Madi ka mansing, Sakaryas. Nipangag ne̍ Apu Diyus ya kararag mun. Itu nga aganac nad ngarud ya asawam nga E̍lisabe̍t ka anac nu nga lalaki. Ket panaganam nad ka Juan.

Lukas 1:19

Ket kinunen nito anghe̍l, “Iyaken nge̍ Gabriye̍l nga agsirsirbi iya imatang ne̍ Apu Diyus. Naibon nac met tasun makitbar rac ikew, nga ibagac ikew yani nga damag nga makaparagsac.

Lukas 1:30

Ket kinunen nito anghe̍l igina, “Madi ka mansing, Marya, ta magustuwan naka nge̍ Apu Diyus.

Lukas 2:11

Ta ita mettas, enna ili nito Ari Dabid, uwed naiyanac kin nga Mangisalakan dakayu, nga itu met ya Kristu nga Apu.

Lukas 24:47

Ket kunen na pe̍ iya Bibliya nga masapul nga gapu iya turay ne̍ Kristu, maikasaba ya damag maipanggep iya panagbabawi, se̍ iya pannakapakawan diya basbasul. Ngarud, mona nga maikasaba idi nga He̍rusale̍m, se̍ maiwaras pe̍ kadiya amin nga pagpagiliyan iya lubung.

Lukas 8:1

Iya di nabayag, nawe̍ pinasyar ne̍ Je̍sus diya il-ili se̍ purpuruc, nga nikasaba na se̍ nilawlawag na ya Makaparagsac nga Damag maipanggep iya panangituray ne̍ Apu Diyus. Ket kabulun na dito sangapulu ket duwa nga adalan na.

Aramid 13:32

Ket itu pe̍ ya kauwed mi idi nga mangikasaba dakayu iya Makaparagsac nga Damag maipanggep ito nikari ne̍ Apu Diyus kadito am-ama tida.

Ruma 10:15

Se̍ awan ngarud mawe̍ mangikasaba no awan maibon. Ket agten met iya kunen na iya Bibliya nga, “Pakaragsakan ngarud ya umbe̍t diya mangipakaemmu ka damag nga makaparagsac,” kunen na.

E̍pe̍su 3:8

Ket orey iyaken ya kanumuwan kadiya amin nga toley ne̍ Apu Diyus, pinili nac latta nga mangipakaemmu dakayu nga bekken nga Hudyu kadiya nakaskasdaaw nga unay nga banbanag nga ipaay ne̍ Kristu dactida.

Kulusas 1:23

Ngem basta masapul nga sipapati kayu nga kanayun iya Anac. Ta nabaked se̍ napaut kuma ya panamati nu, tasun madi kayu lugud maiyaw-awan nga maisina iya namnama nga e̍cde̍ niya Makaparagsac nga Damag nga naikasaba dakayu itun. Ta itu mettas yan ya Makaparagsac nga Damag nga naipakaemmu ka amin nga toley iya lubungin. Ket iyaken nga Pablu, nagbalin nac met nga isa nga natalec nga mangikaskasaba iyan nga damag.