Lukas 2:1 - Ya Baru nga Tulag

¹ Ket itun nga timpu, uwed bilin nito Ari Se̍sar Agustu nga mailista kanu diya amin nga toltoley.

Lukas 2:1 Iomraidhean Croise

Matyu 22:17

Itu nga ibagam kay no nagan ya makunem maipanggep iya panagbayad ka buis e̍ Ari Se̍sar, no maikuntra iya Linteg nito Muyse̍s winno bekken,” kunen da.

Matyu 24:14

“Ket idi nga Makaparagsac nga Damag maipanggep iya nadiyusan nga panangituray, maikasaba nad iya amin nga lubung, tasun uwed kuma pakaemmuwan diya toltoley kadiya amin nga pagiliyan. Ket kalpasan nad nidi, agpatingga yani nga timpu win.”

Markus 14:9

Ket pudnu met nga orey awac iya lubung ya pakaikasabaan niya Makaparagsac nga Damag, maistorya met pe̍ yani nga winangel nidi nga babey, nga itu nad ya pakalaglagipan igina,” kunen na.

Markus 16:15

Ket kinunen pe̍ ne̍ Je̍sus igida, “Mawe̍ kayu kadiya amin nga parte̍ niya lubung, tasun ikasaba nu ya Makaparagsac nga Damag kadiya amin nga toltoley.

Lukas 2:3

Ket iya agten iyan, nawe̍ ngarud diya amin nga toley kadiya ili da, tasun agpailista da.

Lukas 2:5

Nawe̍ ngarud nagpailista, ket nibulun na nge̍ Marya nga naitulag igina, ket nabucsit itunin.

Lukas 3:1

Ito maikasangapulu ket lima nga dagun nito panagturay nito Tibe̍ryu nga Ari Se̍sar, ket e̍ Punsiyu Pilatu ya gube̍rnadur ka Hudya itun. E̍ He̍rude̍s met to agturay enna Galilya. Ket e̍ Pe̍lipe̍ nga kabsat na, igina met ya agturay iya masakupan niya Iturya se̍ Trakunite̍. Ket e̍ Lisanyas ya agturay ka Abile̍ne̍ itun.

Aramid 11:28

Agabu ya nagan niya isa igida. Ket nipakaemmu na nga uwed nad dackel nga panagbisin nga umbe̍t iya amin nga lubung, ta itu to nipaikagi niya Ispiritu Santu igina. Ket napatutuwan met yan nga panagbisin ito panagari ne̍ Klawdiyu ka Ruma.

Aramid 25:11

Ta no tutu nga nagbasul lac maikuntra iya linteg Ruma ka tumutup nga pakatayac, di yac met gabay nga liclikan ya dusac nga patey. Ngem gapu ta awan met pudnu kadiya ipabasul didi nga padac nga Hudyu iyaken, bekken met nga rumbeng no maiyawat tac igida. Itu nga gabay ku mettas no e̍ Ari Se̍sar kuma ya mangusig iyaken nin,” kunen na.

Aramid 25:21

Ngem madi met nge̍ Pablu, ta gabay na kanu was nga agedyan pekkem iya nakaibaludan na, tasun e̍ Ari Se̍sar kuma kanu ya mangusig igina. Itu nga pinabantayac pekkem patingga ka dic nibon e̍ Ari Se̍sar,” kunen na.

Ruma 1:8

Ket ya mona nga kunec, gapu e̍ Je̍su Kristu, agyaman nac iya Diyus ku nga Apu Diyus, gapu dakayu nga amin. Ta ya panamati nu igina, agdindinamag ngamin iya amin na lubung.

Pilipus 4:22

Makikumusta pe̍ dakayu diya amin nga toley ne̍ Apu Diyus idi nga ili, nangruna kanu diya uwed iya baley niya ari yi.