Lukas 19:9 - Ya Baru nga Tulag

⁹ Ket e̍ Je̍sus, nagkagi maipanggep e̍ Sakiyu win, nga kinunen na, “Ita nga algew, nadatngan ngarudin ya pakaisalakanan didi nga sangabaley, ta anac met pe̍ nito Abraham yani nga toley.

Lukas 19:9 Iomraidhean Croise

Lukas 13:16

Ket no idi nga babey nga kapututan mettas nito Abraham, sangapulu ket walu nga dagun mettin nga pinarparigat ne̍ Satanas. Di ngarud rumbeng nga mawayawayaan kuma yani nin iya pakarigatan na, orey no Algew Ngilin?” kunen na.

Lukas 13:30

Ket pudnu met nga uwed diya maibilang nga nababa ngas ita, nga maibilang nad met nga nadayawin. Ket uwed diya maibilang nga nadayaw ita, nga maibilang nad ngas met nga nababa ngin,” kunen na.

Lukas 16:24

Ket kinunen nito bacnang nga nipkaw, ‘Ama nga Abraham, kaasiyan nac kay! Pangngaasim ta ibon mu kay nge̍ Lasaru nga mangisewsew iya kurimeng na iya danum, se̍ na umbe̍t kuma lespen ya dilac ki. Ta napalaus ya rigat ku gapu idi nga apuy,’ kunen na.

Lukas 16:30

“Ngem kinunen nito bacnang, ‘Ama nga Abraham, madi da met ipangag ya agten iyan. Ngem no uwed kuma natey nga nagungar se̍ itu ya mawe̍ mangibaga igida, siguradu nga agbabawi dan,’ kunen na.

Lukas 2:30

Ta nasingec kun ya nibon mu nga mangisalakan,

Lukas 3:8

Diya wangwangel nga tumutup iya napudnu nga panagbabawi kuma lugud ya ipasingen nu iya panagbiyag nu. Ket di nu met kunkunen iya lemlemmet nu nga, ‘Orey a, ta e̍ Abraham met to am-ama mi.’ Bay-an nu ngarud ya agten iyan nga panpanunut. Ta ya kinapudnu na, orey didi ngas nga batu, mabalin met pe̍ nga pagbalinen ne̍ Apu Diyus nga an-anac nito Abraham, no gabay na.

Ruma 4:16

Itu nga to kari ne̍ Apu Diyus ito Abraham, gapu was ito panamati nito Abraham. Agten iyan ngarud, tasun matungpal gapu iya siaayat nga asi ne̍ Apu Diyus, se̍ tasun siguradu nga maipaay kadiya amin nga naibilang nga kapututan nito Abraham. Ket didi nga naibilang nga kapututan nito Abraham, bekken nas nga diya kapututan na nga pasurut nito Linteg ne̍ Muyse̍s, no di pe̍ diya uwed panamati da nga agten ito panamati nito Abraham itun. Ta to Abraham met ya maibilang nga ama tida nga amin,

Galasiya 3:14

Dikad pe̍ gapu kaditun nga naariman e̍ Kristu Je̍sus, natungpalin to nikari ne̍ Apu Diyus ito Abraham, nga matulungan kanu diya amin nga toltoley gapu e̍ Abraham. Ket iya agten iyan, dakayu nga bekken nga Hudyu, nairaman kayu met pe̍ yin idi nga kari ne̍ Apu Diyus ito Abraham. Ket agten iyan ngarud, tasun gapu iya panamati tida, mae̍cdan tida iya Ispiritu ne̍ Apu Diyus sigun ito kari na.

Galasiya 3:29

Itu nga no naikameng kayu e̍ Kristu win, maibilang kayu met pe̍ yin nga kapututan nito Abraham. Ket no kapututan nakayu to Abraham, makipagtawid kayu pe̍ iginan, sigun ito nikari ne̍ Apu Diyus igina.

Galasiya 3:7

Ngarud, maemmuwan nu kuma ngin nga diya toley nga uwed panamati da, itu diya maibilang nga kapututan nito Abraham.

1 Pe̍dru 2:10

Itun, bekken kayu nga naibilang nga toley ne̍ Apu Diyus. Ngem ita, toley nakayun. Se̍ itun, madi kayu pekkem nae̍cdan iya asi na. Ngem ita, kinaasiyan nakayu mettasin.