Lukas 19:8 - Ya Baru nga Tulag

⁸ Ket enna baley ne̍ Sakiyu, ginumnukat nge̍ Sakiyu nga kinunen na iya Apu, “Agten idi nin ya wanglec kun, Apu: E̍cde̍c ya kagudduwa niya sansanicwac kadiya napanglaw. Ket ya orey nagan na nga sinikapac, ket mame̍npat met ya kaadu niya isolic igida,” kunen na.

Lukas 19:8 Iomraidhean Croise

Lukas 11:41

Dikad pe̍ no maipanggep iya e̍cde̍ nu nga limus, e̍cde̍ nu kuma sigun iya nabaru nga panpanunut nu. Ket no agten iyan ya wangwanglen nu, maibilang met nga nadalus para dakayu diya amin nga banbanagin.

Lukas 12:33

“Itu nga ilaku nu diya sanicwa nu, ket ya paglakuwan nu, ikaasi nu kadiya napanglaw. Ta ipateg nu kuma ya pagpunduwan nga madi marukup, nga itu ya pagurnungan enna langit ka kinabacnang nga madi macsayan. Ket madi pe̍ makalnec antuni diya mannanakew, se̍ awan pe̍ mabucbuc antuni.

Lukas 16:9

Ket pudnu met nga masapul nga agpautang kayu gapu iya panangikaasi nu iya agten iyan nga nailubungan nga kuwarta, tasun adu kuma diya gagayyem nu. Ta iya agten iyan, no malabes nad ya sirbi niyan nga kuwarta ngin, uwed da latta mangiyuneg nga mangsarabu dakayu enna agnanayun nga pagedyanan.

Lukas 19:7

Ket diya toltoley nga nakasingen iyan, nagtantanabotob da nga amin, nga kinunen da maipanggep e̍ Je̍sus, “Ahah! Nawe̍ met yan nga toley nga nagpasangaili ka managbasul!” kunen da.

Lukas 7:13

Ket ito nasingen niya Apu to balu, naasiyan met igina. Ket kinunen na ito balu, “Madi ka kuma agberberrit,” kunen ne̍ Je̍sus,

Lukas 7:19

ket nibon na da nga mawe̍ iya edyan niya Apu, tasun isaludsud da igina nga kunen da, “Ikew ya naikari nga umbe̍t, winno uwed pekkem mas sabali nga padaanan mi?” mawe̍ da kuma kunen.