Lukas 19:6 - Ya Baru nga Tulag

⁶ Ket inalistuwan ngarud ne̍ Sakiyu to imulug, ket siraragsac ngarud met nga nangsangaili e̍ Je̍sus.

Lukas 19:6 Iomraidhean Croise

Lukas 19:5

Ket ito maibatug nge̍ Je̍sus iyan, linangad na met nge̍ Sakiyu, se̍ na kinunen igina, “Sakiyu, alistuwam ya umulug! Ta masapul met nga ya baley mu ya pagdagusac ita nga algew,” kunen na.

Lukas 19:7

Ket diya toltoley nga nakasingen iyan, nagtantanabotob da nga amin, nga kinunen da maipanggep e̍ Je̍sus, “Ahah! Nawe̍ met yan nga toley nga nagpasangaili ka managbasul!” kunen da.

Lukas 2:16

Ket inalistuwan da ngarud ya nawe̍. Ket nasmac da de̍ Marya nge̍ Huse̍, se̍ nasingen da met ya ke̍bit, nga naipaida iya papakanan ka animal.

Lukas 5:29

Ket e̍ Le̍bi, pinangili na met itun nge̍ Je̍sus enna baley na. Ket adu dito makisangsangu igida nga mangan, nga agsingsingir ka buis se̍ diya duduma pe̍ nga toltoley.

Aramid 16:15

Ket itun, nabautisaran de̍ Lidya nga amin nga sangabaley. Ket kalpasan na, inawis nakami ka baley da, nga kinunen na, “No mapnec kayu nga tutu nga mamati yac kun iya Apu, ya baley mi kuma ya pagedyanan nun,” kunen na dakami. Dikad pe̍ nawe̍ kamin, ta nipapilit na dakami.

Aramid 16:34

Se̍ na nipen de̍ Pablu nge̍ Silas ka baley da, ket pinakan na da. Ket naragsac da nga sangabaley yin gapu iya panamati da e̍ Apu Diyus.

Aramid 2:41

Ket dito namati kadito kinagi ne̍ Pe̍dru, nagpabautisar da ngarud. Ket itun mettas nga algew, uwed sumaggatlu nga ribu nga naidga iya bungguy dito sigud nga mamati e̍ Je̍sus itun.