Lukas 19:47 - Ya Baru nga Tulag

⁴⁷ Ket inalgew nge̍ Je̍sus itun nga nagisursuru enna Te̍mplu. Ket dito pangpangulu diya agsirsirbi iya Te̍mplu, se̍ dito manursuru iya Linteg, se̍ dito duduma nga pangpangulu diya Hudyu, gabay da nga patayen kuma.

Lukas 19:47 Iomraidhean Croise

Matyu 21:23

Ket nawe̍ nge̍ Je̍sus enna Te̍mplu. Ket ito madama nga mangisursuru win, nawe̍ ito edyan na dito pangulu diya agsirsirbi iya Te̍mplu se̍ dito panglakayen diya Hudyu. Ket nagsaludsud da e̍ Je̍sus, nga kinunen da, “Awac ngarud ya naggayatan niya turay mu nga agariman kadiya ar-arimanem? Nagan ya nange̍cde̍ ikew iyan nga turay mu?” kunen da.

Matyu 26:55

Ket itun, kinunen ne̍ Je̍sus kadito toley nga naguurnung antuni, “Ape̍ kad nga agtagiispada se̍ agtagipang-ur kayu nga inumbe̍t mangtekkem iyaken, nga arig nga isa ngac nga tulisan? Inalgew nga uwed dac met nga agtugtugew nga mangisursuru enna Te̍mplu, ngem madi dac met nga tinkem.

Markus 11:18

Ket ito nadamag dito pangpangulu diya agsirsirbi iya Te̍mplu se̍ dito manursuru iya Linteg yan, pinanpanunut da ngarud no kumaan kuma niya panangpatey da e̍ Je̍sus. Ta nansing da igina gapu ta nagsedseddaawan met dito amin nga toltoley to nabaru nga panursuru na.

Markus 12:12

Ket dito pangulu diya Hudyu, gabay da nga ipatkem nge̍ Je̍susin, ta emmu da nga igida mettas to pakaiturungan niyan nga pangngarig na. Ngem gapu ta mansing da kadito toltoley, pinanawan da ngas nge̍ Je̍susin.

Markus 14:1

Ket itun, duwa nga algew ngasin sacbay niya Padaya Nitatalib, se̍ ya Padaya Tinapay nga Awan Pangpablad Na. Ket dito pangpangulu diya agsirsirbi iya Te̍mplu se̍ dito manursuru iya Linteg, pinanpanunut da nga nalaing no kumaan kuma niya nalimed nga panangtekkem da e̍ Je̍sus, se̍ panangpatey da igina.

Markus 14:49

Inalgew nga uwed dac met iya imatang nu nga mangisursuru enna Te̍mplu, ngem madi dac met nga tinkem. Ngem orey a, ta mapasamac mettas ya agten idi tasun matungpal ya naisurat iya Bibliya,” kunen na.

Lukas 19:48

Ngem madi da nakasmac ka pamaayen da e̍ Je̍sus, ta amin diya toltoley, ket nipatpateg da ngarud diya kagkagiyen na.

Lukas 20:19

Ket dito manursuru iya Linteg, se̍ dito pangulu diya agsirsirbi iya Te̍mplu, gabay da nga tacmen nge̍ Je̍sus iyan mettas nga kanitu, gapu ta naawatan da nga igida met to pakaiturungan nito pangngarig na. Ngem madi da met tinkem, ta nansing da kadito toltoley.

Juan 10:39

Ket gapu kadiyan nga kinunen ne̍ Je̍sus, panggeppen da manin nga tacmen, ngem nakalisi met.

Juan 18:20

Ket simungbat ngarud nge̍ Je̍sus nga kinunen na, “Silalatac iya imatang diya toltoley ya panangisursuruc, ta diya gigimungan mettas ya pe̍yeng ku nga pangisuruwan, se̍ iya Te̍mplu nga pagdaydayawan tida nga amin nga Hudyu. Ngarud, awan nilimed ku nga nisuruc.

Juan 7:19

“Dakayu mettas ya nangibilinan nito Muyse̍s ito Linteg, ngem awan met dakayu ya mangtungpal iyan nga Linteg. Ket gabay dac met pe̍ nga patayen. Ape̍ kad?” kunen na.

Juan 7:44

Ket diya duduma igida, gabay da nga tacmen nge̍ Je̍sus, ngem awan met nakaibanag.