Lukas 19:26 - Ya Baru nga Tulag

²⁶ “Ket kinunen nito ari, ‘Kinapudnu na, ya toley nga adu ya uwed iginan, mae̍cdan nad pekkem. Ngem ya toley nga e̍teng ya uwed igina, maipac nad pekkem mas igina ya orey e̍teng ngas nga uwed iginan.

Lukas 19:26 Iomraidhean Croise

Matyu 13:12

Ta ya toley nga uwed pannakaawat nan, madgaan pekkem, tasun nawadwad ya naipakaawat igina. Ngem ya awan pannakaawat na, maipac met igina orey diya pagpagarupen na nga maawatan na.

Matyu 21:43

Itu nga ibagac dakayu nga maipac nad met ya kalinteggan nu nga agpaituray e̍ Apu Diyus, ket mae̍cde̍ nad ka sabali nga toltoley nga mangariman nga gennung kadiya tumutup idi nga kalinteggan.

Markus 4:25

Ta ya toley nga uwed pannakaawat nan, madgaan nad pekkem. Ket ya awan pannakaawat na, maipac nad met igina orey diya pagpagarupen na nga maawatan na,” kunen na.

Lukas 16:3

“Ket to agay-aywan, kinunen na iya lemlemmet na, ‘Nagan ngarud nad ya mabalin ku nga tarabakuwen nin? Ta ipac ne̍ amuc ya saad ku nga agay-aywanin. Ket di yac met ngarud kabaellan ya agtarabaku ka ginet, se̍ malyew wac met pe̍ ngarud nga makipalpalimus.

Lukas 19:25

“Ket kinunen da ito ari, ‘Ngem apu, uwed met sangapulu nga diplata niyanin,’ kunen da.

Lukas 8:18

Itu nga agdengngeg kayu kuma nga nalaing. Ta ya kinapudnu na, ket ya toley nga uwed pannakaawat nan, madgaan nad pekkem. Ket ya awan pannakaawat na, maipac nad met igina orey diya pagpagarupen na nga maawatan na,” kunen na.

Aramid 1:20

Ket nituluy ne̍ Pe̍dru nga kinunen na, “Uwed nisurat nito Ari Dabid ito libru Salmu iya Bibliya, nga napatutuwanin gapu ito Hudas. Ta kunen na, ‘Mapanawan kuma ya baley na. Ngarud, awan kuma agedyan iyanin.’ Ket kunen na pe̍, ‘Uwed kuma sabali nga sumukat igina iya akem na,’ kunen na. Agten kadiyan ya naisurat ito libru Salmu.

2 Juan 1:8

Dikad pe̍ agannad kayu ngarud, tasun madi mapirdi ya pagbanagan niya panagbannug mi para dakayu, nga madi ngarud macsayan ya igun-guna nad ne̍ Apu Diyus dakayu.

Paltiing 2:3

Ket emmuc met pe̍ nga naanus ka, ta itured mu ya agrigat gapu iya panagsirsirbim iyaken, ket di ka pe̍ nakumsa.

Paltiing 3:11

Ket iyaken, dagus sac mettin nga umbe̍t iya di mabayag. Itu nga alwadam ngarud nga nalaing diya nabaru nga uwed ikew, tasun awan makaagaw iya balangat mu nga pakaidayawam.