Lukas 19:18 - Ya Baru nga Tulag

¹⁸ “Ket to maikadduwa nga tagabu nga simangu ito ari, kinunen na, ‘Apu, nakaganansiya ka lima to kuwartam nga ne̍cde̍m iyaken,’ kunen na.

Lukas 19:18 Iomraidhean Croise

Matyu 13:23

Ket dito bukel nga naiwaris iya napaw-is nga ginet, itu ya maiyarig iya toley nga makaawat iya kagi ne̍ Apu Diyus nga nagicna na. Ket itu ya arig nga mula nga mamisic. Ket uwed met diya mamisic ka sangagasut, se̍ uwed da mamisic ka ennem nga pulu, se̍ uwed pe̍ duduma nga mamisic ka tellu nga pulu,” kunen na.

Matyu 25:22

“Ket to tagabu nga natalec ka duwa nga ribu nga diplata, nawe̍ met pe̍ simangu ito amu na. Ket kinunen na, ‘Apu, uwed idi ya duwa nga ribu nga naganansiyac ito nitalec mu nga duwa nga ribu iyaken,’ kunen na.

Markus 4:20

“Ket diya duduma nga toley, maiyarig da met iya napaw-is nga ginet nga nagdessagan diya duduma nga bukel nga naiwaris. Ta denggen da ngarud ya kagi ne̍ Apu Diyus, se̍ salimetmettan da. Ket arig da nga ginet nga maapitan ka mula nga mamisic ka tellu nga pulu, winno ennem nga pulu, se̍ uwed da met pe̍ mamisic ka sangagasut,” kunen na.

Lukas 19:13

Ngem sacbay nito nipeppen na, uwed da pinalbe̍t na nga sangapulu nga tagabu na, ket ne̍cdan na da ka sangapulu nga diplata nga balituc, nga sinagge̍sa na da. Ket nibaga na igida, ‘Pagnigusiyu nu didi nga italec ku dakayu bayat niya kinaawan ku,’ kunen na.

Lukas 19:17

“Ket kinunen nito ari igina, ‘Mayat met! Nabaru ka nga tagabu. Ket gapu ta mapagtalkan ka kadiyan nga e̍teng ngas nga banbanag, pagturayen naka ka sangapulu nga ili,’ kunen na.

Lukas 19:19

“Ket kinunen nito ari igina, ‘Ket ikew, pagturayen naka ka lima nga ili,’ kunen na.

2 Kurintu 8:12

Ta no disnudu tida nga panggeppen ya mange̍cde̍, mayat met e̍ Apu Diyus ya orey nagan na nga mae̍cde̍ tida, sigun iya kabaellan tida. Ta emmu ne̍ Apu Diyus ya patingga niya kabaellan tida.