Lukas 19:13 - Ya Baru nga Tulag

¹³ Ngem sacbay nito nipeppen na, uwed da pinalbe̍t na nga sangapulu nga tagabu na, ket ne̍cdan na da ka sangapulu nga diplata nga balituc, nga sinagge̍sa na da. Ket nibaga na igida, ‘Pagnigusiyu nu didi nga italec ku dakayu bayat niya kinaawan ku,’ kunen na.

Lukas 19:13 Iomraidhean Croise

Matyu 25:16

“Ket to nae̍cdan ka lima nga ribu, sigida nga nawe̍ na nikume̍rsiyu, ket nakaganansiya met ka lima nga ribu win.

Matyu 25:20

Ket to ne̍cdan na ka lima nga ribu nga diplata, nawe̍ ngarud simangu ito amu na, nga ne̍lbe̍t na to lima nga ribu nga diplata nga naitalec igina, agraman to lima nga ribu nga naganansiya na. Ket kinunen na, ‘Apu, uwed idi ya lima nga ribu nga naganansiyac ito nitalec mu iyaken nga lima nga ribu,’ kunen na.

Matyu 25:22

“Ket to tagabu nga natalec ka duwa nga ribu nga diplata, nawe̍ met pe̍ simangu ito amu na. Ket kinunen na, ‘Apu, uwed idi ya duwa nga ribu nga naganansiyac ito nitalec mu nga duwa nga ribu iyaken,’ kunen na.

Matyu 25:24

“Ket to tagabu nga natalec ka isa nga ribu nga diplata, nawe̍ pe̍ simangu ito amu na. Ket kinunen na, ‘Apu, emmuc nga nainget diya bilin mu. Emmuc ngarud nga ganiyem met ya bekken mu nga niraep, se̍ agurnung ka pe̍ ka in-gikan nga bekken mu nga nisap.

Lukas 19:12

“Uwed isa nga mabigbig nga toley nga nawe̍ ka deyyu nga nasyun, tasun mae̍cdan ka saad nga kinaari, se̍ nad mettas sumoli nga agari yin.

Lukas 19:14

“Ket nawe̍ ngarud to mabigbig nga toley ito deyyu nga nasyun. Ngem gapu ta ginura diya kailiyan na, nangibon da met kadiya sumarunu nga mawe̍ ito napennan na. Ket nagkagi da ito nangisaad igina, nga kinunen da, ‘Madi kami gabay nga agari yan nga toley dakami,’ kunen da.

Juan 12:26

Ket iya agten iyan, ya mayat nga agsirbi iyaken, masapul nga iyaken ya suruten na, tasun orey no awac ya kapennac, itu met pe̍ yin ya edyan niyan nga agsirsirbi iyaken. Ket diya amin nga agsirsirbi iyaken, idaydayaw nad ngarud niya Ama,” kunen na.

Galasiya 1:10

Nitured ku nga nibaga ya agten iyan, ta bekken met nga ya beggic ya gabay ku nga padayawen. Ya iyaannamung ne̍ Apu Diyus lugud ya sapsapulec kadidi nga nibagac. Bekken ngarud nga toley ya gabay ku nga ay-ayuwen kadidi nga nibagac, ta no toley kuma ya gabay ku nga ay-ayuwen, bekken met nga e̍ Kristu ya pagsirsirbiyac kun.

Santiyagu 1:1

Iyaken nge̍ Santiyagu nga isa nga agsirsirbi e̍ Apu Diyus se̍ e̍ Apu Je̍su Kristu. Itu yani ya surat ku dakayu nga kapututan dito sangapulu ket duwa nga anac nito Israe̍l, nga naiwaraswaras ka nadumaduma nga lugar iya lubung. Kablaawan nakayu.

2 Pe̍dru 1:1

Iyaken nge̍ Simon Pe̍dru nga isa nga agsirsirbi e̍ Je̍su Kristu se̍ ya isa nga apustul nga agpaay igina. Agsurat tac dakayu nga nae̍cdan ka pammati nga kapada mettas niya napateg nga pammati mi, gapu iya nalinteg nga gangey niya Diyus tida se̍ Mangisalakan dactida, nga itu nge̍ Je̍su Kristu.