Lukas 19:12 - Ya Baru nga Tulag

¹² “Uwed isa nga mabigbig nga toley nga nawe̍ ka deyyu nga nasyun, tasun mae̍cdan ka saad nga kinaari, se̍ nad mettas sumoli nga agari yin.

Lukas 19:12 Iomraidhean Croise

Matyu 21:38

“Ngem dito makisugsugpun, ito nasingen da to anac na, nagtetebbar da nga ig-igida, nga kinunen da lugud, ‘Ala, igina yani ya agtawid! Tidan! Patayen tida lugudin, ket dactida nad ya agtagikuwa iya tawiden nan,’ kunen da.

Matyu 28:18

Ket e̍ Je̍sus, imadenni igidan, ket kinunen na igida, “Naitalec iyaken amin nga turay nga uwed ka langit se̍ iya lubung ngi.

Markus 12:1

Ket itun, nagpangngarig nge̍ Je̍sus nga kinunen na igida, “Uwed isa nga toley nga nagmula ka adu nga ubas. Inalad na to nagmulaan na, se̍ nagkorob pe̍ ka inariman na nga pagpespessan ka ubas. Nangipasikad pe̍ ka nangudu nga pagedyanan agbantay. Ket ito nalpas nan, nipasugpun na to kaubasan na kadiya agwangwangel ka laplapug, se̍ nawe̍ ka sabali nga ili yin.

Markus 16:19

Ket itun, kalpasan nito pannakitbar ne̍ Apu Je̍sus igida, ket naipangudu ka langitin. Ket enna langit, nagtugew iya kadayawan nga edyan, nga itu ya madiwanan ne̍ Apu Diyus.

Lukas 20:9

Ket itun, kinagi ne̍ Je̍sus kadiya toltoley yani nga pangngarig: “Uwed isa nga toley nga nagmula ka adu nga ubas, se̍ na nipasugpun yan nga kaubasan na kadiya agwangwangel ka laplapug, se̍ nawe̍ ka sabali nga ili yin, ket nabayag antuni.

Lukas 24:51

Ket ito madama nga mangikarkararag nge̍ Je̍sus igida, nasingen da nga pimanaw igidan, nga naipangudu win nga nawe̍ ka langit.

Juan 18:37

Itu nga kinunen ngarud ne̍ Pilatu igina, “Dikad pe̍, isa ka ngarud nga ari, ey?” kunen na. Ket kinunen ne̍ Je̍sus, “Tutu ya kunem nga ari yac. Ket inumbe̍t tac nga naiyanac idi nga lubung, tasun ipakaemmuc ya pudnu. Ket amin diya mangipateg iya pudnu, ipangag dac pe̍,” kunen na.

Aramid 17:31

Agbabawi tida kuma ngarudin, ta uwed lalaki nga nisaad ne̍ Apu Diyusin nga mangikeddeng iya pagbanagan diya amin nga toley iya lubung. Ket e̍ Apu Diyus, nalinteg nad nga tutu yan nga pangngeddeng na. Ket emmu na pe̍ no nungey nad ya pannakapasamac niyan, ta igina met ya nakin-keddeng. Ket emmu tida nga tutu diyan, ta ne̍cde̍ ne̍ Apu Diyus ya pammanecnec na dactida nga amin, ta pinagungar na mettin to nisaad na nga mangikeddeng nad mettas.” Itu yan to patingga nito kagi ne̍ Pablu itun.

1 Kurintu 15:25

Agten iyan ngarud, ta masapul nga e̍ Kristu ya agari agingga na nga ipaabac ne̍ Apu Diyus igina diya amin nga gumurgura igina, se̍ na da ipaituray e̍ Kristu win.

He̍briyu 9:28

Ket agten pe̍ iyan nge̍ Kristu, ta nam-ame̍nsan ngas nga naidatun, ket kustu para iya amin nga timpu to pannakaidatun na. Naidatun ngarud tasun inagtu na nga nipac diya basbasul diya adu nga toltoley. Ket agparang nad manin nge̍ Kristu ka maikadduwa, ngem bekken nin nga maigapu ka basul ya maikadduwa nga umbe̍tan na, no di lugud tasun mailayunin ya panangisalakan na dactida nga sinanama nga agpadpadaan igina.

1 Pe̍dru 3:22

Ket e̍ Je̍su Kristu, nawe̍ ka langitin, nga uwed itan iya kadayawan nga edyan, nga itu ya madiwanan ne̍ Apu Diyus. Ket naipaituray iginan diya anghe̍le̍s se̍ diya amin nga duduma nga nailangitan nga uwed turay winno pannakabalin da.

Paltiing 1:7

Lemlemtan nu yani, ta umbe̍t manin nge̍ Je̍sus nga male̍cbut ka ulep. Ket masingen nad met niya tunggal isa nga toley, agraman dito nangdoyoc igina. Ket berritan nad met diya toltoley nga uwed kadiya amin nga pagpagiliyan iya lubung ngi. Matungpal met nga tutu yan. Agten iyan ngarudin!